3317迅策天天有得炒
詞元第一股業績已出,去年虧損大幅收窄,營收就大升1倍以上,市場解讀為今年就會有盈利,加上預計token使用量今年會幾何級數上升,妖股是在賭預期而非睇過去.此股今早跟市跌,跟住就大升,股價又創上市新高,股價在200蚊樓上,高低波幅10%以上,短炒是很好玩,但玩還玩,要識得走,不能太貪心.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
今早10點左右在咖啡室吃早餐時，無線2台正播放財經，看到一個有水平的評論，內容大致圍繞香港經濟，北水流向，美債和現港股約11.1倍比過往五年高，今晚或會找找重温。
回覆刪除是否已一把年紀的劉姓獅子銀行研究部主管,唔知現在是否仍在位.個人對佢印象麻麻,總是憑過往數據和經驗來估計未來走勢的老油條,好似沒一次準或接近,都係冇前瞻性,以結果來解釋早前推斷.要看有份論的都係要睇高盛的,如俾客睇要付款的中國一周經濟,今期講的情景完全符合哂近期的港股走勢,冰火二重天,有資金正在撤離,外資在中港的股票配置低至6.4%,10.47倍PE會是底部,有大量聰明資金正在瘋狂抄底入貨,南向資金更是主力,只買三類股份,第一類是真AI真硬核科技未來可變現為盈利的股份,第二類是高息股份,第三類是特定消費型ETF,提早埋伏,等待内需回暖收錢.結論是未來3個月,買入H股的取勝率會高達76%,叫客户要跟隨資金路徑擁抱相關港股H股而非大A股份.
回覆刪除大師真博學更是財經字典，又過往的專欄分享都極具前瞻和對投資路向很有財思啟發，絕對是對口袋有益，真棒。
回覆刪除無錯是大師所說姓劉的先生，見他對比日常的電視財經評論嘉賓較有條理，所以覺得不錯。