1133哈電去年盈利增58.2%
記得去年哈電公佈24年業績時,每股派息大增好幾倍至0.227人仔時,當時股價3蚊左右,即時變左高息股,今次公佈25年業績盈利大增58.2%至26.66億人仔,股息也增加58%至0.358人仔,若現時股價仍是3個幾,就會是10厘以上的高息股,但如今1133已狂升至23個幾,跟足盈利升幅大加派息,也只是隻得厘幾,但PE仍只得10幾倍的成長股.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
剛與外國回港朋友到蘭桂芳喝兩杯後，乘的士回家，感到與前的環境和情懷已不一樣，可能是年紀影響了心境吧。
回覆刪除在車上看到大師的分享，令手上持有的1133，對此股更感踏實和有前景，一掃早前對152今年派息的落差。