1072跌就1%,升就9%擺明呃貨
昨天東方電氣高開低走,收市跌1%,相信已令好多老散獲利交出籌碼.今天1072就大升9%,即使收市會升幅收窄,但難保明天又會升過,東電同哈電都是貨源歸哂邊,落入強者手中,美資大行已揸左唔少,坐底2成以上,只要呢班友唔沽貨,想大跌都難,再加上佢哋似乎好大貪,不斷更新報告提高目標價,如瑞銀上周看得最好,1072睇60蚊樓上,1133睇40幾蚊.隨時之後見股價上升,又出報告再調高目標價.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
大師早晨，今早與友人早茶後，即爬爬大師的博文，看到令人振奮的哈電和東電的分享，再看看開市情況，真令人鼓舞，似乎連帶另外的兩電都有跟上之勢。
回覆刪除1072總市值已接近1300億,原先預估希望長期可達1500至2000億,可能太保守.通用GEV在24年中才50美元,前晚升到近900美元,昨晚才輕微下跌1%,市值已經2300億美金以上,1072市值即使升到2000億人仔,都係好落後,連人家車尾燈都望唔到.之前曾想過1072若升到40蚊,點都要沽少少貨,估唔到甘快就到,甘就再做渣男再貪d,見到50蚊先考慮沽唔沽.
回覆刪除1072同1133已進入忘我狀態 悶聲發大財型 好癲
回覆刪除恭喜大師同ray師兄 四傻集齊 勁
謝謝零9師兄，這都是歸功和謝謝金戈大師的專家分享。
刪除任何四雄之中只要有參與就可，大家共同富裕。