Al盡頭是電力

 美股的核電股如OLKO,VST等妖股,甚至正常股CEG呢排都喪升,昨晚更因Meta發動搶電大戦更進一步上升.中美兩國其實是命運共同體,熱炒版塊都是同步的,如無意外,大A的核聚變版塊又會狂升,升到痴哂线的商業航空會停一停,港股相關版塊輪動都會跟足A股.而另一會升其實已俾聰明資金一早買定的Al應用軟件版塊,特别是關於廣告的,如我昔日愛股贏左好多的1860聚量科技,可惜已沽左9成幾,只剩下記念品,上升原因是因為今年的春晚,字節跳動的豆包火山引摯拿下當晚的Al獨家使用權,而宇樹就拿下機器人獨家贊助權.去年一堆機器人跳秧歌舞已令人大開眼界,今年難度肯定更出人意表,用佛山無影腳踢爛西瓜已表現過,可能還有更離譜的,再用抖音的豆包互動,佔據即時最大流量,大賣廣告,天價拿下獨家贊助,絕對值得.講番Meta如何搶電自救,首先會向OLKO在賓州三間運行緊的核電廠買電,保證要先發電俾Meta的一間大型數據中心到2030年,又出預付資金俾對方,讓另外3間新核電廠在2030落成後,電力優先賣俾佢,至於用幾多錢,是現金或現金加印股票就冇講,至於造SMR小型核反應堆的VST,又係先付錢支持VST儘快完工,來換取Meta可以優先買電.電力是一切已成世界共識,馬斯克在最新訪談中都認為未來瓦特即電力單位會取代貨幣.而馬斯克投資的項目同東大十五五規劃中要突破發展的產業接近全部一樣,馬更認為在人工智能競爭中,東大會勝出,因其發電能力是美國三倍,電價更是平通全世界,有絕對優勢.黃仁勳之前埋怨美國起數據中心速度太慢,要3年半先起好,暗示佢造的蕊片要積存不可以馬上賣走,3年半可能有新蕊片出現出來同佢爭市場,隨時由賺變蝕,但冇足夠電力和電力配備如變壓器,大型數據中心根本不能運作,更冇理由賣定大批高端貴價蕊片擺响度唔用,唔係唔想快d起,而係起任何類型發電廠都要長時間,特别是供應鏈唔齊全的國家,全世界目前只有中國有齊全的全方位供應鏈.西方國家應急方法就是買燃氣輪機俾數據中心發電頂住先,待新核電廠起好至算,但西門子,施羅德,通用電氣,日立等最大電氣設備供應商都係產業鏈唔夠齊全,產量不夠,燃氣輪機,變壓器定單堆積如山,做一單都要一年半載.幸好東大在核電設備,燃氣輪機都能全部國產化,甚至可出口,而電氣設備股升唔停完全合情合理,不是炒概念靠發夢.而升左2個幾月的商業航天版塊,唔多唔少都係炒預期,遊資重倉入來玩都係想收割遲入場高追但又唔識走的散戶.如金風科技A股,由風電設備股再間接有商業航空元素,短時間有4天漲停,由於之前已升左好多,H股2208去年已升近4倍,遊資第一天買到漲停,散户唔敢跟,跟住第二次漲停,第三次漲停後都唔跌,散戶先會追貨,第四次漲停又出現後,就會覺得會有第五次,第六次,但遊資何時散水就唔知,有足夠多接盤俠或覺得賺夠就會計數.而最醒是侵侵,率先投資核聚變,就算要十年八年先可成功,大概率都會是東大先成功才到老美,但十年八年講故事已可借股價大起大落而賺到盤満砵滿.世上最神奇的事是德國在23年拆哂僅餘的3間核電廠,其中1間重係新建的,之後長期唔夠電用,要買法國的核電救命,歐洲人的思維方式確是難以理解.