A股港股中特估撑起個市
無論A股H股,今天都是升内銀内險,3桶油,電訊等權重股,内銀同石油類更是越升越有,另外新舊内需股繼續升,北水過去幾天不停大手買入的股份如小米,中海油,中移動就繼續穩步上升.中特估呢輪當道,隻3437央企紅利ETF肯定創新高,未夠貨想買的又要買貴貨,等佢跌才買還是持續買入都好難決定.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
哈哈 年底前唔知可唔可以上11，我而家將其他股票有賺的就拿來買它。大師除咗4天王外，有沒其他比較看好的中特估，可以推薦來留意下
回覆刪除大師讲中了我的情况，3437等跌才買還過高追，十五十六！
回覆刪除我都等大師指點，3437我本身貨不多，不知要高追還是等回到$9.8樓下才入手好？
回覆刪除已升到10.6元,我暫時都係忍手唔再追,除非今晚馬仔有斬獲,明天就唔理價位追入,定額定投一個月做一次就夠,理倫上不應理價位高低,只要持續長期做相同的事,效果應相差唔遠,但人性總是見到價高都會選擇再等等,等有靚位至入.
回覆刪除有買3437的師兄其實可以考慮月供，唔使煩。另外留一定的現金當3437跌過9.x時溝貨，過左10.X幾時賣返，來回做T。最少我自己是咁，供參考
回覆刪除港交所資料顯示,3437在9月底,已發行左5.47千萬股,在10月再發行多1.15千萬股,共發行左6.62千萬股,唔知是北水買或本地客想買,要不斷加發股份應付需求,3437最初頭半年都只係發行左1千萬股.
回覆刪除