中海石油化學3983全年盈利極大可能會大增

 由於3983没有A股,唔會出三季度業績報告,也不會出盈喜或盈警,加上去年業績倒退,半年業績唔靚,盈利少許倒退,但股價反而節節上升,上周四更升至2.7元一年新高.由於本身持有此股,所以想知道原因,又係多得DS,元寶等人工智能幫手,總算粗略知道究竟,由於下半年全球儲能電池需求大增,磷酸鐵鋰電池不斷漲價,主要材料磷礦石嚴重缺乏,磷價也因此大升.而3983原來在23年下半年,戰略性入股了一間國企貴州錦磷化工,入股33.9%,即佔三分一股權,而呢間化工國企半年已賺左22億,而且上半年磷價還沒喪升,下半年才展開升浪,全年盈利點都有40幾50億,3983有3成3股份,豈不是有12億盈利,3983去年全年盈利唔夠11億,純計死數,盈利會升1倍,派息比率一向都是50%,今年派息會加到2毫幾子人仔,重未計呢間公司有130億人仔現金擺在銀行不作為,比公司市值還多,若發善心,一次性派特别股息都不是不可能.上述只是我個人推測同幻想,可信性不高,切勿認真,更不構成買賣建議,全年盈利是否真的會大増就要待出左全年業績才知,此刻已升左甘多,我不會加倉,因在極低位已持有,更汲住佢年年増加的現金儲備,派十幾二十年都派唔哂,揸住d平貨年年收高息已好足夠.