侵侵已冇牌可打只能再玩關税戰

 星期一全球股市大跌看來已無可避免,港股可能會跌得更深一點,特别是嗰堆超高估值甚至冇盈利但又升左好多好多的科技股.事態發展至此都只因中美貿易戰升級,市場担心中美的關稅戰蜜月期已過,要來終極一戰.事緣侵侵始終不斷搞小動作,對中國產品搞301調查,又要中國買美國大豆,石油,買呢樣買個樣.結果換來中國最強大的反擊回應,凡掛美國旗進入中國港口的貨船都要放下高昂的買路錢,這也是師承侵侵過往的狂妄行為,等同表明就是唔會買美國貨,但這都只是前菜,最令美國寢食難安的個招是全面管控稀土出口,不只是減少出口到美國甘簡單,但凡其他國家含有0.1%中國稀土成份的產品要出口,都要事先向中國備案申請,自已用當然沒問題,若買來轉運給老美就不能容忍,若違反後果是之後斷供.中國之能如此霸氣是因佔有全球7成開採量,製成稀土的技術同能力更是9成以上,而中國一直受制的蕊片,光刻機供應問題也逐漸得到解决,冇後顧之憂,就能反客為主,卡番老美脖子,俗d講就係鍊住老美spring ball. 侵侵的性格自然呱呱大叫,冇牌可打下只能揚言在11月1日開始,所有入口的中國貨品徵收額外100%關税另加全面禁止軟件出口至中國.姿態擺左做唔到又是另一回事,到時雙方傾掂數都有可能,但股市就一定受影響,大跌大升會不同時出現,是危也是機,又有低位俾人買貨的機會,又是考驗貪婪,恐懼的平衡點時候.只要不是做槓杆,又是大部份揸住估值低有穩定盈利能力的高息股,根本唔駛怕,大可坐住食花生等睇大戲.