李超人家族好等錢駛嗎？

 今天信箱竟收到長江一號的内地惠州樓盤宣傳單張.據我所知惠州樓已跌到PK,又唔值租,1100呎全海景樓月租唔駛1500蚊,加埋水電燃氣管理費最多都係1800蚊,香港求其一層4至5百呎私樓,管理費加埋差餉地租至少2千幾3千蚊,若只往這一方面諗,他日香港若融入大灣區,香港樓冇理由還要甘貴.之前惠州好多新樓都俾好多香港人買左,百幾萬就買到過千呎豪宅,中介又吹好快會有地鐵到深圳口岸,一定會升值,由於銀碼細,好多人又玩大富翁遊戲,買幾間,諗住一間用來自住或當渡假屋,其餘的就放租用來供款等升值.世間邊有甘美好,樓價已跌左一半,租金又低,好多人已瀬哂嘢.如今李超人竟來個要錢唔要貨,可能是貨尾,宣傳單張話呢個盤共有約2700個單位,高層住宅建築以港戶設計,即是鬥細,唔會係過千呎,由550至878呎,售價40餘萬起,冇錢Full Pay,月供都係1500蚊,交通都唔算太唔方便,話有專車接送居民到蓮塘口岸,車程50分鐘云云.更有趣是有專車食飯睇樓團,俾1百蚊,就有專車跨境接送,行程包括看唔知物野公園景點,中午包一餐惠州地道美食,跟住去Walmart超市血拚,每人免費送一張100蚊Walmart現金券去買野,最後才去睇現樓.李家唔係甘等錢使掛,或是有KPl,管理層一定要班靚清哂d存貨,就出盡招數吸引人買.