儲能股大升理由合情合理
最新國策是今年儲能装機會増加一倍,讓風光儲發電發揮到極致,由於風電,光伏發電受天公的影響極大,不能百分百全部使用,於是儲能就能幫到手,天氣好時,能把過多不能消納的電力儲起,天氣差時,就可釋放出來,確保電力供應充足.儲能裝備多是以鋰電為基礎,一但技術有突破,效用就更大.中國同西方國家都在鬥儲能科技,似乎又是中國佔先,儲能最終目的是確保電力穩定,而數據中心,人工智能最不能缺少的就是充足穩定的電力.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
感謝金戈大師之前提到3437，已公佈派息$0.35，9月底除淨
回覆刪除已留意到,29號除淨,出世至今連埋今次共派3次息,每次都是0.35元,已收左1.05元股息,相當唔錯,若每年都固定派至少0.7元,好快就收回成本,可以唔理股市升跌,有機會大跌就加貨,属於躺住贏的安全投資,揸個十幾年,威力就會出來.話明是高息央企,權重股會隨時改動,以確保能派高息,現在最權重揸最多的變左857中石油.
回覆刪除支持金戈大師
回覆刪除多謝金戈大師一直以來有份量的分享；我亦有跟買3437，实行躺住赢的安全投资。
回覆刪除