入左港股通後,中國食品506馬上有追捧

 506中國食品,不久前才3個幾,市值不足100億,但某天就無端白事升左20%,升穿4蚊,市值超越100億,符合入港股通門檻,之後輕微回落,企穩4蚊,前日連同一大堆股份列入港股通,同時又剔走一大批,昨天北水已等唔切,把毫子内房股碧桂園炒左上去,最癫時好似升左3成幾,收市都係大升,4天内升左近5成,一早趁低夠胆買定,又肥過豬頭.可能只玩一天唔定,多玩幾天都唔定.今天又有一隻連個名都冇物人聽過的醫藥股,又升3成幾.506算升得少,今早還要下跌,下午收市倒升近8%收市.資金市,最重要有大量資金關注,才會有喪升的機會,相反若是被剔除岀港服通的股份,北水冇得買,連想一天半天會大升的機會都冇,去到狗都不理的境地,股價就只能不斷向下跌.若能預估哪些股份會入港股通,在未公佈前埋伏,就算隻股十分垃圾,但入左港股通後,在大量内地傻散的眼中,可能是塊寶,就算只是炒一天,都可飽餐一頓全身而退.若是基本因素良好的,又高息的,就更可能長炒長有.我倉内有隻3983中海石油化學,因股價從2蚊升到2.5元後,市值已達標入港股通,其實2個4附近都已達標,下一次港股通多數入到,利申我有貨,個幾買的,買來收息,已收左好多股息,唔係鼓勵冇貨的現在才去高追,但呢間奇芭公司實在有太多現金,有130億人仔,擺响度收厘零的銀行理財,現金還有一年多過一年的趨勢,好多内地散戸甚至大V都看中佢,但苦於不是港股通,冇得買,一旦入左港股通,呢班老散可能狂買佢來長期收息,而令股價大升,我就是要等結果是否會如我估計般,股價已升左甘多,已冇再加倉向上溝.