看M1M2數字能推斷後市走向

M1M2數字是經濟學上的低B班,係人都識的東西雖然是低B程度但好實用,財演磚家從來唔講,估計是唔識多過因立場關係故意唔講,經濟學家就選擇性講,要唱衰中港經濟或買左跌的就隻字不提.簡單的玩法就是將每個月M1的變化率減去M2的變化率得到的數值,若是正數而且高就代表資金充裕,流動性大,d錢入哂去股市或樓市或進行實體投資,相反若是負數又負得多,就表示出現通縮,居民定期存款大増,個個㩒住荷包唔駛錢,唔消費唔投資.内地稱此數據為剪刀差,已公佈的7月份數據,雖已是連續6個月為負數,但跌幅大為收窄,再加上有1.1萬億居民存款流走,應該不是拿出來大舉入樓市買樓,而是把錢轉去非銀機構如證券行準備買股買債買ETF,數據一出,A股升到未停過.樂觀的中資及外資大行估計會再有9萬億資金入市,是否吹得太大不得而知,就要等8月份的剪刀差指數出來,才知是否會甘行.至於香港統計處,做野永遠慢半拍,至今還是6月份的數字,6月份的剪刀差數字由8大升至9.98,這也可解釋為何期間股市持續上升,樓市又冇物起色,但Hibor又低到出奇低,得零點厘,唔該快些出7月份數子,雖然我已晨早入齊貨,數字重係甘靚固然好,若一旦變壞,我就會小心驚惕個市.歷來香港M1數字最高最顛是21年第一季,也是本港樓價最貴最瘋狂最後一棒的時刻,恒指三萬幾點,但資金多是走去炒樓炒鋪炒寫字樓,之後數字就持續回落,若在回落初期發現唔對路,做對的操作,如去不必要槓杆,沽樓,改持低估值高息防守股等,就是真高手.