北水今早又大舉買入港股

 港股大升北水必沽貨,港股大跌定必買貨,已成不變定律,盈富,ATM等指數股重指數股更是買來炒高低賺價差,有時甚至只是用來推高恒指來令低位買入的指數基金上升,繼而沽出獲利的工具.所以炒股唔炒市乃最好策略,近幾年已被公認並獲得事實証明有效的啞鈴策略,一端揸住大堆高息股長擺確保有盈利,另一端就買入有前景的成長股,賺取可歡差價,今年的最有效股價升得最多的是創新醫藥版塊,機器人版塊,北水資金明顯偏好創新藥股,資金不斷流入而且有長擺的意向,相反沒有高息打底的舊科技股,如汽車,平台經濟加外賣屬性股,長揸又唔識中途做T減持貨成本的話,揸住會得個桔甚至虧損,高追的肯定被绑,一層加一層會綁住好多人,忍得手又有大把子彈的或許會在低位買到貨,但之後升幅都唔慌會多,搞一大輪搞甘多野都係得2至3%回報,個森林有甘多好野,即日有幾個巴仙或十個八個巴仙回報的股份,成街都係,無需吊死在一棵樹上,冇大志倒不如揸住高息股無風險地等收息,隨時會有彩蛋,除賺息外,股價升幅不一定會少.人多的地方最好唔好去,平唔代表一定要升,餅就越劃越大,明天會更好,會如何如何,連公司話事人都冇講過要如何如何,低位買左貨的基金大户會大力唱好,跟風的磚家財演就會加入大合唱,前景真係非常好,股價120蚊都冇,就話看200蚊,120蚊唔怕買,再跌就會話更加要買,130幾140蚊買左的人會點,有錢就向下溝貨,總之本多必勝,冇子彈就只能望塊大餅會早日從天而降,等足夠多的韭菜入坑後,基金大户就會計數食胡.最抵死是磚家財演門會講我是證監會認可的持牌人士,冇持有提及股份及相關權益,冇牌的更加唔駛申報,吹到幾大都得,講之嗎,冇人叫你信.