某些消費股業績相當唔錯

 個幾月前曾睇中隻1837五谷磨坊,話7毫子買唔到好唔抵,但之後又曾見番7毫子,結果又係冇買,又係想低些至買,看中佢又是因為佢有成10億以上現金,零負債,市值得十幾億,產品連本港超市都有得賣,黑芝麻沖劑之類東西,創辦人兩公婆似是老實人,冇攞d錢去搞房地產,重引來百事可樂做第二大股東,高價揸住2成6股份,現時重做緊蟹但一股未沽,好似好有信心.近排股價已唔知幾時升到8毫9,可能知業績好,今晚出左業績,盈利升左18%,去年同期賺9千萬,全年賺1.88億,今年頭半年就盈利1億零6百萬,算相當唔錯,未期息也可能會加派,若然7毫子買左,8毫幾子賺20%以上就多數會食胡,唔等佢公佈全年業績加派息至走人.冇買到只能發吓嗡風,又可以看少隻.另一隻中國首富的農夫山泉,近個幾月已不停上升,又係昨晚出業績,半年盈利大増20幾巴仙至70幾億,最大亮點是茶飲類飲料如呢排勁賣廣告的東方樹葉系列無糖茶,無糖㗎啡等產品的盈利己多過樽裝水,成功打造新盈利賽道.主要對手華潤飲料出左盈警,中期盈利會少2至3成,怡寶樽裝水仍然好賣得,只是用左大量金錢去打造茶飲品牌,又係d檸檬茶,五花茶,酸梅湯之類,但又不是無糖,似乎找唔到正確市場所需,未達到令盈利大増的效果,反而拖低盈利,有内地網民好抵死話,只要怡寶唔做國足代言人,其他國家隊體育項目就照做,銷量一定直線上升.