長安民生物流1292出了個好難明的盈喜
呢隻股一向交投奇低,經常全日冇成交,或得1千股成交,今天都是只得9千股成交,就令股價創了多年新高,碰巧今天又收到了未期息每股2毫子人仔.此股去年全年盈利5645萬,半年盈利則為2926萬.28號會出半年業績.但估佢唔到傍晚出左個盈喜,博物野.盈喜只話半年盈利介乎6000至7000萬,去年同期則為4332萬,但去年頭半年盈利明明只得2926萬,之後講盈利上升原因,包括因去年已出售一子公司全部權益,今年不需再倂表,同此公司再無關係,是否能理解為去年上半年確是只賺了2926萬而非4332萬.4332萬盈利是包括此公司的盈利.今年上半年已賺6至7千萬,已多過去年全年,講去年頭半年賺4332萬,是否想令盈利増幅表現出來不是升太多的假像,真係睇唔明.點都好,盈利大増是事實,全年盈利會更多也是大概率的事.但要沽貨就會更困難,市場冇蟹貨底下,貨源又極度歸邊,睇怕都要焗住長揸收息.今天收3.43元,市值都是只得4.45億,若全年能賺億幾,市盈率就只會得3倍幾甚或更低,可能又是一隻可發春秋大夢的股份.
留言
發佈留言