康方生物9926,中國同幅1763揸耐些少就完美

 隻康方生物1年前由40幾蚊開始,就俾北水不停甘買,期間一度升上100蚊,之後就回落番70蚊左右,跟住又來過,北水收集了一段短時間後,好快又重上100蚊,但今次不同了,是一支箭式上升,今日收171蚊樓上,創歷史新高.現在買1手1000股都要17萬,我在此股身上短炒賺過幾次錢,但在100蚊樓上已唔敢再買來短炒,眼白白睇住佢天天創新高,再次證明短炒是贏唔到大錢的,唔駛揸得多,50幾蚊揸住2千股可以揸到現在的話,已可多賺20幾萬,短炒幾次都係賺得幾萬蚊,次次都係怕沽得慢,嬴少左,所以走都走唔切,先沽為敬.另一隻國企1763中國同幅,因是國企本應可放心揸耐些,但在可觀盈利面前,又是選擇先行獲利,結果又係沽完後不停甘升,又創新高.因此之故,倉内幾隻本諗住短炒,但浮盈已超乎想像的央國企,都决定短炒變長揸,不能讓賣飛的憾事再多次地出現.

你的心和眼口和耳我都捉不緊......害怕悲劇重演,我的命中命中,越美麗的東西越不可碰......難道這次再抱緊妳不會落空......睜不開兩眼看命運光臨,然後天空又再湧起密雲.來自好多年前一首歌暗湧的部份歌詞.

.