李強總理調研百濟神州6160

 今晚央視新聞聯播大篇幅報導昨天李強總理調研百濟神州北京實驗室的經過,總理話要加快生物醫藥,創新藥的發展,利用成果結合用在推進中藥現代化和產業化的發展上.百濟神州被國家領導人背書,應多加留意,百濟神州至今仍冇盈利,股價升幅不太過份,由年頭的103蚊升到最高196蚊,今日升約1%,185蚊左右.幸好每手只是100股,而非1000股,買一手2萬蚊有找,唔駛十幾二十萬才能入場,有容錯空間,不幸被綁都還可以靈活走位,如長揸唔走甚或溝貨,一旦有盈利或有重大技術突破,升起上來會驚天動地,生物醫藥是國家極重視的創新科技,一定會有企業能成功成為先行者,會是邊一間就真係唔知,生物醫藥,我識條鐵咩.只能小試牛刀試水温.百濟神州市值近3千億,歷年蝕左600億,是一間獲全球認為的中國醫藥公司,抗癌藥已獲多國認證可行,創辦人是醫學博士,絕不是一間靠吹的公司,但何時能將成果轉化成盈利就真係唔知.