現金牛3983中海石油化學半年業績輕微下跌

 昨晚出業績的3983,盈利輕微下跌6%都有6億以上,全年斷估都有10億.而資金似乎對此視作好消息,股價逆市升2%.粗略看左半年報,最大亮點是現金多左10億,有130億,壞消息是太過保守,將現金全部拿去内銀做理財,收厘幾2厘收益,今年頭半年因息率不斷下調,收息收少左幾千萬,但都有億幾,市值不足100億,揸住百幾億現金,周期唔好時,1年都能穩妥地賺10億,10倍唔夠的市盈率,一旦周期轉好,盈利會大増,市盈率會大跌,大家最關心都是不斷増加的現金,1年當賺10億,派一半作股息,一年都係派5億,百幾億可派足20幾30年,加上年年有錢賺,派一半留一半,現金只會越來越多,又保守怕死,拿哂d錢去錢搵錢,但選擇的是低回報的保本型銀行理財,小股東不要存幻想某天她會大派特别息益街坊,正如管理層去年所講,年年能派5厘幾6厘的公司已不多,意思是已對得住小股東,重想點？現價5厘幾股息會吸引部份資金,若是在個2至個8買左的小股東,就繼續每年收6厘幾至9厘息,話唔定某天,3983儲的現金太多,拿番多少出來派番俾母公司並同時益下小股東.