旭日企業393中期盈利增32%,中期息維持4仙息維

 中期盈利3.298千萬,増加32%,中期息維持每股4仙,即派息金額又會超過6千萬,賺1蚊派2蚊俾你,冇増加派息無需失望,因内銀去年改派中期息,所收中期息變成去年收入,令到上半年金融收入大減54%,但下半年又會因收左中期息而令金融收入増加,都係會計制度遊戲,到時未期息有可能會加,就算唔加維持5.8仙都冇問題,現價升左甘多1.33元計都有7厘幾息,幾毫子甚至1蚊買的人講緊收10至10幾厘息.呢隻野本業只有微利,冇虧損已十分難得,全靠低位揸左3隻内銀股收息,1年收番億幾息過活,大股東家族持股高度集中,已接近上限,派息都係派番俾自已,因此才會連續3年,賺1蚊派2蚊的好事發生.更大的好消息是公司持有現金大増11%至32.95億,原因話係世界混亂,要持盈保泰,手持巨款避險,冇做新的金融投資,現在的金融投資就靠幾隻内銀股賺息賺價,市值已増至20億以上,一年收億幾息,現市值19億,零負債,揸住近33億現金,去年全年盈利才6千1百萬,今年叻極都只會係7至8千萬,收的股息完全夠長期派高息有餘,最唔好就是股價升左上去又唔肯跌,1蚊任買的日子已經唔見左.