長安民生物流1292駛唔駛升甘多？

 刻意出個模稜兩可的盈喜,本意都是想引多些獲利貨出來,昨天全日成交9千股,今天半日就成交左36萬4千股,之前散戸出貨都是在2個8至3個零逐千逐千甘沽,還要是見有買盤,跳價十格八格質俾人先做到,沽左貨的散戶現在肯定十分後悔,今早升得實在有點過份,升15%,不過市值都是升穿5億而已.當局已規劃左重慶要做世界新能源汽車製造中心,1292是做汽車物流運輸的,且不說會否攞哂所有車廠的單,單是母公司長安汽車d單俾哂1292做,生意隨時多1倍都唔止,一年賺幾個億都非不可能,現股價3.95,市值僅5億1,真係唔貴,一於長揸落去,由得佢鐘意點升就點升,當睇唔到.

留言

  1. 零92025年8月26日 下午10:25

    大佬揀股同坐股能力真係好勁，好多分享出來嘅股價打底都升一倍以上，佩服

    回覆刪除
  2. 金戈鐵馬2025年8月26日 下午11:15

    運氣居多,坐股能力更是一般,走失的股份多到數唔清,最近個隻金力永磁又是走左後升唔停.

    回覆刪除

發佈留言

此網誌的熱門文章

埃克森美XOM股價創歷史新高,883星期一挑戰20元

 沙地關閉多個海上鑽油台,放棄増加產能計劃,而布油繼續企穩91美元樓上,埃克森美XOM收市報121.37美元,創歷史新高,盤後股價仍然上升,此XOM的市盈率13.67倍,息率3.13厘,縱使偉大的883股價自年初已升了45%.去年底收市13蚊,上星期五在冇北水情況下仍升至19.3,但市盈率仍只得6.77倍,息率6厘8,足足平埃克森一半,而埃克森產能係得甘多,相反中海油產能年年増加,若今年布油長期在90美元樓上,叠加中海油產能的大幅增加,今年盈利說不定會暴增至1600億人仔,若現股價唔升,再加新一輪派息計劃,大増派息後,到時市盈率又回返4倍,又再做返高盈利,高分紅,低估值的超級學霸優質生,星期一北水回歸,好大機會將883拉升至20蚊,隨着日後更多利消的發佈,更多來年強勁盈利的預期披露,到時20蚊的883會被視為超抵價,又會被買爆,在7至12蚊買左883又冇走的朋友,好好享受財息兼收,財富増值的良辰美景,20蚊只是883的新起點,就算已嬴左倍幾或幾倍的朋友,覺得贏夠想俾d人贏,都唔好偉大到沽哂全部,只需沽出一小部份收回所有買入成本,留下的股份繼續收息收到883執笠為止,唔好為小利而殺左隻會為你生一世生金蛋的雞.
閱讀更多

千呼萬喚始出來,新增6萬億元地方政府債務置換限額

 直至2023年底,全國各地地方隱性債務高達14.3萬億,由於缺乏地產收益,全國地方政府每年化債能力也只有幾仟億,如一個人,碌爆卡欠下14萬,但每年只還得幾千蚊,條數永遠還不清,重會越欠越多的道理.正因如此,中央新推出6萬億置換隱性債務,為期3年,連同之前承諾的每年8仟億地方專項債,2024年開始,為期5年.即在2028年前會投入十萬億元化債,加上2029年全國各地棚屋改造政府會俾2萬億,到時全國地方政府隱性債務只剩下2萬幾億,相當安全,個別地方甚至會有盈餘.大前提是嚴禁和嚴防有新的隱性地方債務出現,有一單拉一單,拉人封艇.解决左因地產帶來的債務,地方政府可專心搞基建,能源,設備更新,這些建設都會為地方政府帶來盈利稅收收入.相對於全世界各個國家包括發達國家,中國現階段的債務仍是最低的,若有效化債成功,中國勢成經濟第一強國.
閱讀更多

3437博時央企紅利ETF原來已改了每手買賣股數

 此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
閱讀更多