坐定定響度等升完再完是目前最佳策略

 今日隻939建行繼續再創新高,非賣品就由得佢升,估頂全無意思,要安全地贏大錢往往都是靠坐貨坐返來的,間中回調就走夾唔抖,絕對唔適合同時間做朋友.今日隻1072終於等到除淨,4毫子息可穩袋外,股價還要上升,就算你9蚊才買入,3個月内都升左5成,我就更是在更便宜時買入,揸住1倍浮盈同佢鬥坐,同樣有貨在手的1133,短暫回調跌穿6蚊後,一樣好快上番6蚊樓上,呢2隻國之重器,甚麼世界最大,最勁的設備投入服務幾乎天天上央視新聞,全是可將研究轉化成利潤的東西,絕對是成長股.1072無論是A股或H股,都似是在令受唔住寂寞的散戶交出籌碼,極慢速地上升,H股每天成交只得百幾萬股,北水老散更是逢升就沽貨,但整體持貨只略為減少,似是旨在趕走等得唔耐煩的散户離場,一旦收齊貨,啓動的升勢可以是波瀾壯闊式的,我揸住1倍浮盈,1路收息,大把本錢同時間同佢熬下去,唔會放過佢,確保佢他日飛上天時我一定不會缺席.就如司馬懿就算唔夠諸葛亮叻,唔識借東風,擺空城計等神操作,但佢識熬下去,熬到諸葛亮先行一步而令蜀國玩完,跟手又熬到曹操一族都玩完,成為笑到最後的一位.在股市中,甭管是牛市熊市,熬得住才能笑到最後.