港股中的海洋經濟概念股

 習主席一句要做大做強海洋經濟,要成為海油強國.A股的相關股份全部大升.港股中具中國海洋經濟概念的股份甚少,捕魚,養魚,海產制品好似沒有,現有最具海洋經濟價值只有883中國海洋石油,但已一早俾人發掘到,6蚊7蚊任人買的光景相信已回不去.數來數去只有2隻央企有關,1隻是2039中集集團,另一隻是2883中海油服.中集因擁有深海開發設備領先的優勢,國家要開發海洋,他一定得益.近年和今年頭幾個月,盈利是噴井式上升,股價也是狂升,之後才回落趨於平靜,此股可多加留意,但我冇買賣過,現納入觀察名單.我持有的個隻發夢股196宏華其實都有深海概念,有造深海鉆探工具和工程,只是名氣不大冇人留意.升上2毫子後,就見唔番1字頭,浮盈已有1倍,仍堅持無腦式持有,1股不沽,繼續發夢,等升到1蚊.

留言

發佈留言

此網誌的熱門文章

千呼萬喚始出來,新增6萬億元地方政府債務置換限額

 直至2023年底,全國各地地方隱性債務高達14.3萬億,由於缺乏地產收益,全國地方政府每年化債能力也只有幾仟億,如一個人,碌爆卡欠下14萬,但每年只還得幾千蚊,條數永遠還不清,重會越欠越多的道理.正因如此,中央新推出6萬億置換隱性債務,為期3年,連同之前承諾的每年8仟億地方專項債,2024年開始,為期5年.即在2028年前會投入十萬億元化債,加上2029年全國各地棚屋改造政府會俾2萬億,到時全國地方政府隱性債務只剩下2萬幾億,相當安全,個別地方甚至會有盈餘.大前提是嚴禁和嚴防有新的隱性地方債務出現,有一單拉一單,拉人封艇.解决左因地產帶來的債務,地方政府可專心搞基建,能源,設備更新,這些建設都會為地方政府帶來盈利稅收收入.相對於全世界各個國家包括發達國家,中國現階段的債務仍是最低的,若有效化債成功,中國勢成經濟第一強國.
閱讀更多

左右側交易

我向來較喜愛左側交易,只要有耐性和充足資金,勝算頗大,3320算是左側交易,但如今3320似乎已成右側交易,難以再有低位俾你買,相反1193華潤燃氣已是右側交易,確認升勢,一浪高於浪,升左10%可再升10%,若買入後升左10%後沽出,想再買番就要以更高價追入,有較大風險,若升勢已停,就可能要短炒變長揸一陣,風險大回報也越大,視乎個人承受能力.今早隻1193升近5%,短炒回報已超乎我想像,馬上沽出獲利,繼續玩貨如輪轉,隻隻目標物都升,唯有買隻下跌股份,就是941,70.6元買入,今早下跌原因是A股中移動下跌,跌到迫近100蚊,收市前已升近102元,下午隨時唔駛跌,70蚊邊買入呢注,相信短期都有幾蚊執,當提早收取股息,若不幸唔識升,就當儲股増加收息能力,簡單來說,冇得輸迫嬴多d.
閱讀更多

多隻短炒強勢股唔捨得止賺但都要狠心做渣男沽左佢

 第一隻是981中蕊,應該重會升多10%以上,但已賺左5%,加上佢從不派息,浪費機會成本,一於賺左先算,本身已有2000股981,均價13個幾,諗住長揸等見證981有朝一日成為晶片巨企,因佢冇息派,不能揸太多,影響錢生錢.另一隻是1072,本身已有貨,重係賺緊好多,昨天大跌,在9蚊買左少量博反彈,都係買貴左,今早反彈,昨天加左的貨執左3個幾巴仙就走左,其實反彈未完,應該可以揸耐d,但不能太過自信,都係賺左先算,至於3320重未賺到價,賺夠4至5%先走,一早知會升的小米,因為是民企,所以唔買,若買入短炒賺得最多會是佢.
閱讀更多