娃哈哈出現豪門恩怨,令飲料同行有機可乘

 呢2天内需消費股因跌得多開始反彈,都係炒上上落落,幾個巴仙利潤,如蒙牛早前升完又大幅回落,低位買夠貨,又會升番上去,升得稍為多些,就會爭相食胡,區間上落,有波幅冇升幅.而農夫山泉近來強勢,屢創新高,可能同娃哈哈創辦人離世後,資產被人轉移,搞到加工廠停工,工人要上訪維權,而同時又有2人自稱為創辦人私生兒女,要求香港法院頒令檢測DNA,阻止資產被創辦人女兒奪走有關.在潔淨水市場,農夫山泉是大哥兼中國首富,二哥是華潤飲料,娃哈哈是三弟.娃哈哈若果摺埋唔玩,大哥或二哥隨時吞埋佢,加上娃哈哈要部份國資股份,不可能任意俾人取走而流.華潤飲料上市後一直沒有表現,跌落10蚊邊又好快上番14蚊,之後又在12個幾至13個幾徘徊,跌穿12蚊就有人大力撈貨升番上去,華潤飲料質地確實唔錯,PE低過農夫山泉好多,又是淨現金公司,單是怡寶這品牌已夠做,最近中央行禁酒令,全國機關開會,進行公務宴會,一律禁酒,只能用水,怡寶肯定是指定飲品,國家體育隊又是指定飲品,其實單靠賣水已可每年穩定地盈利,為何要上市？無非又是想擴大版圖做龍頭,又生産一大堆物茶物茶,想擴潤盈利,但現階段收益都不是好大,揸住百幾億現金,加上每年至少有好幾十億盈利,長期派高息應該有保證,跌得多時可趁低收集,可能會有意想唔到的收獲.