半年年結

 今年上半年港股應是多年以來,最容易搵錢的半年,短炒題材股或長揸高息股都應有相當不錯的回報,前者升幅100%以上的多如牛毛,就連收息股如新華保險,中人保一年内更升近200%,先後創歷史新高,内銀唔計已收股息,過去一年升幅5成至100%也是多到五隻手指都數唔完.正正常常操作,唔需要太多出出入入,坐定定響度,一般散戸投資者冇30%回報都叫唔合格,除非你整天追逐ATM,低位又冇貨,升左至走去高追,又信恒指升佢哋一定升,只有買貴不會買錯,大升個段冇你份,接火棒就有你份,幾時再低位回升,就只能靠不斷劃大餅支撑,將來一定會好好,等得就等,但人性使然,眼見别人亂買一通高息股都嬴甘多,就會不甘心,會問憑甚麼,為甚麼？思路會更不清醒,興其妒忌他人成功,倒不如檢討自已是否並不是想像中甘醒,為何甘多機會都掌握唔到,市場永遠是對的,錯的永遠只會是散戸魯蛇loser,多做準備稍為準確預判大趨勢,再次出現機會時才不會錯失而是能參與其中.至於本人上半年投資回報,沒有太精準計過,但7至8成以上應冇走雞,零收入下靠股息生活還能令資産増加不少,主要得力於買中多隻倍升股,短炒股就一定要有錢贏,贏多贏少不理會情況下才走,已經好耐唔知止蝕為何物,最重要的是長倉持有的嗰堆高息中特估,持有至少3年以上,表現持續亮麗,持續多年的又賺息又賺價,提供不斷的現金流.呢幾年冇打過一份工,兼職都冇做過,單靠股息都可應付不太奢華生活有餘,還有餘糧去投資,資產就不停逐年逐年滚大,正因如此,更不會用槓杆或攞層樓去加按去増加資金入股市博命,佛系持股,佛系收息,佛系短炒增加快感又令資產快速増值,已經冇物野心去追逐更多財富,知足常樂之餘更唔怕會有打回原型的事情發生.