向悲劇人物佛里摩學習好野,戒除衰野

 1百年前的傳奇炒股悲劇人物佛里摩Livermore,經歷4次破產,頭3次都可捲土重來,而且越贏越多.1929年是事實癫峯,藉美國經濟大蕭條用槓杆造空美股,盈利超過1億美金,當時美國政府全年收入不過20幾億美刀,此君可算富可敵國,美國政府都買佢怕,每逢股市大跌都會請求他唔好甘重手做淡.但在1940年3月出左本How to trade in stocks的書,講解炒股必殺技,好多理論至今仍被後世人採用,如虧損10%就要止蝕,嚴守紀律,有大幅盈利就先食50%胡,不能一注獨贏,宜採用20,20,20,40方式,若買中一隻強勢升股,每升20%就加注,升到60%後,就連最後1注40%都買埋,但若股價跌10%就全數沽出,條數重係贏好多,若股價還持續上升,就視乎個人的胃口,何時沽出悉隨尊便.諷刺的是,佢創造套有效的獲利作業系統,但自已就唔守底線,用槓杆想贏更多更多,同年10月,佢就吞槍自殺了結一生,死後財産唔夠1萬元,只留下一部絕世秘笈供後人參考.巴菲特講的千萬不要造空自己國家股票,講的可能就是他的故事.我就斗膽改良佛里摩的致勝方式,我倉中隻196宏華,1毫子買入第1注,升左50%後,在0.15買入第2注,1股未沽,如今距離買入第3注的價位0.225已距離不遠,會否再買入第3注,都係考慮緊,尚幸此股成交金額不多因股價低,想大注買入都困難,買入只是想買入後升10倍來滿足虛榮感,唔會買得多.俾你買幾萬蚊,就算有的升10倍,贏極都冇50萬,相反你用100萬買隻高息中特估,股價升20%就嬴20萬,再加上一年收十萬八萬蚊股息,就安全地赢30萬,若股價能在幾年内升4至5成,加埋收息基本上已贏夠100萬,有些中特估一年都唔止上升4成,就算只買中升得少的中特估,只要持續俾到你每年10厘8厘息,收10年8年息都翻本有突.在中港新股上市十分活躍的証劵行有間就叫弗里莫尔,唔知間行是否都係Livermore的徒子徒孫,2020年螞蟻上市被叫停都係呢間行牽頭搞上市.