883今日派息已無興奮感覺

 從21年中已持有883中海油,當時買入價7個幾左右,當年收左一次中期息0.3港元,也是多年來派得最少的一次,但在當時已是8厘幾的高息股,也是買入的主要原因,接着幾年年派高息,計埋今天已累計收左每股5.52元股息,扣番10%股息稅,就當齊頭每股已袋左5蚊股息,24年度每股派1.4港元,以買入價計講緊每年收18厘股息,再收多4次息,就可完成零成本持貨計劃,從此無本生利,此股就可一世幫我揾錢,故此對此股的股價升跌毫不在意,完全冇意圖想沽出,任你跌都唔慌會跌得多,況且跌得稍為多些自然就會因估值太低而好快升番上合理水平.只要同時間做6年朋友,就連複利再投入呢步都唔需要做,就可多左項不停產生現金流又唔會消失的資產,投資其實就是如此簡單,不要強求短期致富,只要選中高息目標,相對低位買入,長期持有,可觀回報就會垂手可得.

留言

發佈留言

此網誌的熱門文章

千呼萬喚始出來,新增6萬億元地方政府債務置換限額

 直至2023年底,全國各地地方隱性債務高達14.3萬億,由於缺乏地產收益,全國地方政府每年化債能力也只有幾仟億,如一個人,碌爆卡欠下14萬,但每年只還得幾千蚊,條數永遠還不清,重會越欠越多的道理.正因如此,中央新推出6萬億置換隱性債務,為期3年,連同之前承諾的每年8仟億地方專項債,2024年開始,為期5年.即在2028年前會投入十萬億元化債,加上2029年全國各地棚屋改造政府會俾2萬億,到時全國地方政府隱性債務只剩下2萬幾億,相當安全,個別地方甚至會有盈餘.大前提是嚴禁和嚴防有新的隱性地方債務出現,有一單拉一單,拉人封艇.解决左因地產帶來的債務,地方政府可專心搞基建,能源,設備更新,這些建設都會為地方政府帶來盈利稅收收入.相對於全世界各個國家包括發達國家,中國現階段的債務仍是最低的,若有效化債成功,中國勢成經濟第一強國.
閱讀更多

左右側交易

我向來較喜愛左側交易,只要有耐性和充足資金,勝算頗大,3320算是左側交易,但如今3320似乎已成右側交易,難以再有低位俾你買,相反1193華潤燃氣已是右側交易,確認升勢,一浪高於浪,升左10%可再升10%,若買入後升左10%後沽出,想再買番就要以更高價追入,有較大風險,若升勢已停,就可能要短炒變長揸一陣,風險大回報也越大,視乎個人承受能力.今早隻1193升近5%,短炒回報已超乎我想像,馬上沽出獲利,繼續玩貨如輪轉,隻隻目標物都升,唯有買隻下跌股份,就是941,70.6元買入,今早下跌原因是A股中移動下跌,跌到迫近100蚊,收市前已升近102元,下午隨時唔駛跌,70蚊邊買入呢注,相信短期都有幾蚊執,當提早收取股息,若不幸唔識升,就當儲股増加收息能力,簡單來說,冇得輸迫嬴多d.
閱讀更多

3437博時央企紅利ETF原來已改了每手買賣股數

 此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
閱讀更多