華電新能源600930一上市市值就超過3千億

 新股在A股上市在頭五天沒有漲跌停制度,想點升點跌都得,只是波幅超過30,60%,就會短暫停幾分鐘冷静下,之後再大幅上升,又會短暫叫停,但之後次數不可超過4次.華新今早最多升過174%,上午收市都升134%,抽中的散戶大多肯定走都走唔切,袋左落袋先算,畢竟市值已超過3千億人仔,隨時是歷史高位,但是否重有得升誰都不知.港股836市值只是1千億,加埋902和1071的市值都不及華新.顺便一提,中人壽是華新的基石投資者兼第二大股東,又肥到衭都著唔落,雖然中人壽昨晚已公告會出售揸左15年,期間已不斷沽/售的杭州銀行少量剩餘股份,即是清倉,但新華保險却大手從澳洲銀行買哂所有杭州銀行超過5%股份.中人壽每次沽杭州銀行,杭州銀行都大升.中人壽在港股同樣經常做傻仔,如在多年前,以每股2.1元沽左大部份H股農行,走去買爆雷的房地產投資,難怪在國有内險中的股價長期包尾大落後,真要加把勁至得.