2460華潤飲料出盈警話因要拓展非水飲料業務

 公告話今年頭半年盈利會較去年同期減少20至30%,主要原因是增加了大量推廣營運開支,作出戰略部署,打造第二條非水類飲料戰線,要成為另一盈利來源.即是話,好地地賣潔淨水合埋眼都賺到笑都嫌唔夠多,硬係要搞d物茶物茶,要在非水類飲品市場發圍佔主要席位,能否成功自然要俾時間去印證,靠各種宣傳推廣必不可少,2460勝在身家厚,有百幾億現金傍身,也正因如此,跟住又出了另一通告,話今年中期會自願派中期息俾小股東,明顯是想穩住小股東的心,至於得唔得就要交給市場反應作决定.我就持中性態度,一來賣水已是必賺的業務,只是賺更多或賺少d問題,若能打低農夫山泉9633成為大佬就最好,若不能就唯有開第二條戰線,茶類飲品.農夫山泉連日創新高,市值已高達5千幾億,而2460市值只係3百億開頭,差天共地,非要買的話,一定㨂2460.農夫山泉呢期甘強勢,應該都係因娃哈哈事件,市場相信農夫會成為最大得益者,搶哂娃哈哈的市場份額.而農夫山泉也不是省油的燈,在推廣造勢上明顯高2460好多,如佢隻東方樹葉,大酒金錢宣傳,在國内已打出名堂成為新品牌,連香港都唔放過,廣告鋪天蓋地,搵埋余詩曼做代言人.能夠靠零售成為目前中國首富自然有一定道理,2460能否挑戰成功,取而代之就要靠時間去驗證,做唔到大佬,做住個有野心的二哥其實都唔錯,而呢個二哥背後還有個未出手的真正大佬就係國家隊.