2338潍柴動力似又想挑戰前頂
2338剛除完淨不久,股價好快又上番17蚊,等我扮吓圖表派,高位回落,大圓底好快就兜翻上,幅圖好靚,但依家至買就真係遲左好多步.我而家都冇貨,之前11,12蚊時就有貨,出出入入已走鬼哂,揸唔實,食唔哂全條魚,都無話可唔可惜,子彈有限,好股無限,無可能買哂甘多隻等食大茶飯.此股已快把專做拖拉機的濰柴雷沃來港上市,A股隻潍柴重機已升到飛天,今日重升緊.阿媽濰柴動力可能重有力有排升,但係已升穿17蚊,上望空間應該唔會太多,我畏高先至甘諗,但市場反應未必係甘.
千呼萬喚始出來,新增6萬億元地方政府債務置換限額
直至2023年底,全國各地地方隱性債務高達14.3萬億,由於缺乏地產收益,全國地方政府每年化債能力也只有幾仟億,如一個人,碌爆卡欠下14萬,但每年只還得幾千蚊,條數永遠還不清,重會越欠越多的道理.正因如此,中央新推出6萬億置換隱性債務,為期3年,連同之前承諾的每年8仟億地方專項債,2024年開始,為期5年.即在2028年前會投入十萬億元化債,加上2029年全國各地棚屋改造政府會俾2萬億,到時全國地方政府隱性債務只剩下2萬幾億,相當安全,個別地方甚至會有盈餘.大前提是嚴禁和嚴防有新的隱性地方債務出現,有一單拉一單,拉人封艇.解决左因地產帶來的債務,地方政府可專心搞基建,能源,設備更新,這些建設都會為地方政府帶來盈利稅收收入.相對於全世界各個國家包括發達國家,中國現階段的債務仍是最低的,若有效化債成功,中國勢成經濟第一強國.
留言
發佈留言