2233西部水泥出左靚爆鏡的半年盈喜

 去年經常短炒2233西部水泥,長炒長有,收獲都唔差,但今年就冇做呢隻,因其他板塊如創新藥,人工智能應用回報更恐佈,更可觀.今次半年盈喜,其實是刻意隱藏盈利,半年做左11.62億撥備,去年就冇,縱使如此,半年盈利大増80%至100%,由去年同期3億8增至今年最多7億幾,若有做撥備,盈利多達幾倍,撥備呢家野,日後有可能會回撥變番盈利.盈利大增原因有1,去年國内水泥價270元一噸,成本230元一噸,今年頭半年水泥價281元一噸,成本217元一噸,但這不是最大原因,第二個原因才重要,海外業務在非洲等地生產水泥並在當地出售,銷量大增230%,稅前盈利由去年同期的9億2増至今年同期的18.8億.此股應同西藏雅下水電站有物關係,成功出海才是重點,最大不確定性是怕非州國家發生政變,若換左人會可能唔認數,要重新分配利益.