在196宏華繼續玩瘋狂測試遊戲

 之前講過在0.1元買入196宏華第一注,之後升左50%後,在0.15元再買第二注,曾糾結若再升50%,升到0.225後應否再買第三注,結果真係再升左50%以上,還是傻吓傻吓向上溝貨,再升50%的話,下一站就是0.3375元,若有幸真係升到價,或許不會再癲落去,開始食部份胡,剩下的0.1元貨就慢慢等佢升10倍,升到1蚊至算.為何對此股如此有信心,首先他是央企股,被國資委強行無償地送給東方電氣管理,已排除是騙子股或會執笠,由於連年虧損,股價一度跌至6仙幾才止跌,十幾年前宏華曾每年盈利數以億元計,主要鑽探工具產品都是賣給中東油國同其他資源豐富的國家,可能貨品質量太好,用左10幾年都唔駛更換,十幾年已過去,都係時候要以舊換新,隨着技術同科技更成熟,東方宏華的產品已進一步具領先地位,連深海鑽探都做埋.近期多則消息經宏華披露,已接獲多張中東大國的定單,金額幾十億元,再加上去年已轉虧為盈,但盈利太少,搞到現價PE成2百幾倍,市值得十幾億,若中期業績能賺番個億幾2億,PE立時唔夠10倍,隨時重有股息派,在低位埋伏等爆升絕對值博,現價算不算低位我都唔知,若日後能升到個幾2蚊就肯定係,但我不是先知,無從判斷,首先要看來緊的中報有冇驚喜,若如預期般好就萬事大吉,若天氣不似預期,就要準備跳車逃生,但從近月每天的成交量來看,似是有人在收集中,天天高開低走,高價買入佔9成成交,之後個1成就任佢跌,雖然他不是港股通,但每天都有百幾萬元成交,已較之前每天得幾萬元多左好多倍,應該在8月才會出業績或盈喜,還有段日子俾有心人持續收集,最好每天只升1個或2個巴仙,數十天下來就會升左6,7成都唔多覺.我只是純屬個人的遊戲式操作,不構成買入建議,千萬不要跟住買,隨時會中伏,話哂我是在極低位不斷向上溝,隨時可逃生兼還有錢贏,現在升左甘多才買完全唔值博.