Same as ever 中23個故事
又係Morgan Housel 呢條友仔,出完本Psycholy of money大賣之後,又整左本Same as ever出來,同樣勁受歡迎.趁無市無聊極透,又買唔到周董啟德演唱會飛,2來又唔想看到年近5張的杰倫已無復當年勇,唱不出當年的水準,雖然看的人大都是抱著回憶過去伴隨成長道路的點滴而來的,不會介意唱成點.扯開話题,啓德體育園開幕至今,舉辦左的所有演唱會,有一半觀衆都是來自內地,也是能搞活香港消费的其中一樣優勢,澳門雖已飲了頭淡湯,香港現在起步追趕也不遲.講same as ever, 書中分23個章節,講左23個故事同見解,不是用來預測未來會發生何事,而是講23個一如既往般會重覆發生,有可控預期的事情.得閑過頭可閱讀一下,應該都會令人行少d冤枉路,早些達到想到的地方.其中一節講貪婪同恐懼的轉換,我覺得最有意思.作者引用心理學大師榮格講的對立轉化理論,見證股市中貪婪和恐懼的轉移,當人們相信好環境是長期持續的,起初會對壞消息視而不見,跟住忽略,接着否認,隨後不得不恐慌地接受,接着會認為有排衰,此時對好消息又是視而不見,忽略,否認,最後又接受,最終又返回原點.就甘如此不斷循環.如何應對,作者認為有2方法,第一接受瘋狂,更瘋狂的事都會發生.第二,覺得（夠了）,就反向而行.
大師的分享很有啟發性，亦介紹了一本好書給網友們👍🙏
回覆刪除又昨天茶聚有朋友談及星期五有關604急升一事和可持續性否，未知大師可有看法。
感覺内地的游資大佬,即是有7至8個有幾個億甚至十幾個億本錢的大炒家,如章盟主,炒股養家,方新俠等等,由於内地監管越來越嚴,合法搵食越來越難,他們雖然都唔係鋪鋪贏,有時都會輸大錢,因内地是股票實名制,在邊間券商户口邊間分行的專用户口公眾都會得知,佢地買的股會有大量老散跟入,跟住結局就各安天命,同大游資一齊共同富裕有之,一齊割肉或坐艇有之,更多是走得唔夠佢哋快俾收人收割,加上内地有漲跌停制度,要升或跌1倍或幾倍要玩好耐至得.香港股市已變成内地老散尋夢的樂土,1日内個股升幾多跌幾多都得,只有短暫停5分鐘冷靜機制,可能呢班有雄厚資金的大佬已開始轉戰港股市塲,連帶一大班内地散戶跟住玩,搞到上星期幾乎日日都有幾隻平時成交唔大的股份被資金在大成交下炒上.被選中炒上的股份都不是亂甘來的,大都有具大升趨勢條件,如估值太低殘又有盈利開始轉好的趨勢,又或者一些他們早大家一些知道的訊息優勢,上星期,除左604深圳控股外,冠城鐘錶,享得利等股更是超大成交下,超大波幅下大升,但其實是高開低走,有收割之嫌.604話哂都係深圳國企,只是因專搞地產而股價長期低迷唔升,是否深圳房地產已開始回升,或是萬科為自救不停賤賣資產俾深圳市政府而令604得益,就不得而知.但604的同門152,股價在成交冇異常下仍然堅挺,若深圳房地產回暖,佢得益就更大.就牌面上講,大灣區領頭羊一定是深圳,深圳國資委公司一定唔會差得去邊.連上實,北控都開始大升,PB提升之路正開始,604被人看上一d都唔意外,能否持續就看是否升得太離譜,中旅308就係無厘頭升得太多而大幅回調,但回調極都係升左好多,提升股價目標已達.
回覆刪除金戈大師的廣博財經知識和高瞻的智慧確實不凡，謝謝大師的不吝嗇分享🙏🙏🙏
回覆刪除