Atomic Habits 和 Compound Effect 2本書講的理論大同小異

 原子習慣講的是只要每天進步1%,1年就會進步370%,愛因斯坦講的世界第八大奇績複利就會出現,若每天退步1%,就幾乎歸零.引申到只要每天做多少少好習慣,就會成長期性,如每天多做15分鐘運動,一定會減到磅,反之若天天有多食垃圾食物的壞習慣,就會變超肥,諸如此類.複利效應就由一名億萬富翁所寫,講的是複利會令人發達,人人都可做到,方程式是每月資產都有増長十持之以恒再加上最重要的時間,得出的結果會令你難以置信.他舉的例子是你和你的朋友會獲得一項獎賞,選項一是馬上俾300萬美金過你,二是第一天只俾1毫子美金,之後每天以100%增幅俾你,為期31天,你諗都唔諗就㨂馬上要300萬美元,你朋友就選一毫子日計,你會覺得你朋友是傻仔,5天過後,你老友只是得1.6美元,你還是揸住300萬美金,完全唔擔心自已㨂錯左,10天過後,你老友都係收左51元多d,20天後,你朋友都係得5千幾蚊,你心諗過多11天就到期,而家重嬴緊你幾百條街,冇可能會少過你老友,但你不知第20天正是臨界點,5千幾蚊起步,倍升十一天,埋單會收到千零萬美元,收的錢係你的3倍幾.帶出的訊息是複利起頭難,只要捱得住初頭的苦楚,跟住就會否極泰來.看似是呃細路,但實際是可行的,只要不是甘極端,要求連續31天每天都要升1倍,1毫子起跑31天後會變1千萬甘戲劇性,改為1百萬或更多起跑,每年10幾個巴仙増長,多年後都會有滾雪球效應,慢慢變富,但前提是起動資金不能太少,除非你好年輕,又夠長命,有足夠時間進行複利效應,甘少少錢起步都可以滾到好大舊錢.我貪得意走去問Al大神,假若我只有一百蚊投資,揾到一項目,每星期會有20%盈利增長,甘18個月後同24個月我會有幾多錢？答案係年半後會有1490萬,2年後會有1.8億元,但結論是現實中不太可能有能長期提供如此高回報的投資項目,除非是龐氏騙局.其實我心中覺得馬會是最有可能的平台,特别是足球,不像跑馬,馬會只是抽佣,永遠只會嬴錢不會輸錢.足球則是對賭,馬會有時是會輸的,馬會的足球投注,由早到晚24小時都有得玩,一星期起碼百幾二百場波任你玩,一星期賺20%輕易而舉,只要不是場場都參与,1百蚊本,專㨂99%會勝出的賽事或相關注項,賠率越低越好,1.2倍回報的波一般人都唔會買,1.1樓下更冇人問津,一星期買一至2場達標就收手,除非你買左個1%出現黑天鵝的赛事,撞到都只是冇左1百蚊,難就難在要連續幾十個星期都唔斷,再加上如已有好可觀回報,如十萬或幾十萬,就會收手唔再玩落去,再加上馬會户口有每天投注上限,足球派彩又有上限,每票不會派多過一百萬,但一樣有方法拆解,若真係已贏左幾百個,想繼續再複利下去,就要似做戲般,揾一大班人,拿住一千幾百萬現金去投注站,填一大堆唔過派彩上限的彩票去投注.