北水全日成交額1063.3億,浄流入35.16億元

今天北水買入賣出共1063.3億元,佔港股全日成交49.99%,淨流入35.16億元.之前有混左幾十年的老餅財演,經常說北水可以不理,買得幾多啊,港股成交要多始終都要靠外資同本地資金,現在已經唔敢再提,之前可能傻吓傻吓以為每天淨流入或浄流出只有幾十億,多極唔夠2百億,所以才有唔駛理北水的偉論.今天北水買得最多都係外賣仔,浄流入14.14億元,已是連續淨買入第十三天,股價也連升多天,其次淨買入6.2億元阿里巴巴,3.67億元信達生物,3.31億元石藥,1801同1093已連續大升好多日,今日信達生物更是雙位數升幅,而家先追入有極大風險,北水買夠貨正等緊接盤俠,隨時要幾多佢哋都俾哂你.沽得最狠都是個2隻,淨沽出14.36億元騰迅,13.15億元小米.