大悶股941又創左好多年新高

 肯定又是北水在狂買,下午返來冇耐,成交就過10億元,A股中移動微跌,成交6億幾,1股要成113.3元人仔,要買來收息,内地人ー定落來買H股,同樣金额買H股可買多更多股數的中移動,就算要貢獻國家稅收,俾多28%股息稅,點計都大有着數,反正52蚊上市的A股中移動己冇可能再見,上市3年股價升左倍幾,重未計期間所收股息,能長期揸住唔放又唔嫌棄佢升得慢,又冇波幅的投資者先至係大贏家,回報極好又省心唔會怕呢樣怕個樣,揸實佢每年派大把股息過你,股價除浄後一定會高過之前,大跌市時佢只會跟跌,跌少少.大升市時佢又唔會升得太多,會被人嫌棄買左佢,只會餓又餓唔死,彈又彈唔起.但穩定其實才是最重要的,確定性三字值千金.如今升穿86蚊,破哂位,年頭1月2日股價才75.6,好多人嫌貴唔買,而家86蚊更加唔會買,好大機會以後都唔會買941.