2357中航科工較317中船防務穩定

 317是造船的,属中國船舶集團,不是打正旗號做軍工,但十幾年前重叫廣船時,已傳她專做潛水艇.因基數低,去年及今年首季的盈利均增加10倍以上,因此容易俾北水大幅炒高,但升得快升得急時,回調時也很快,若走得慢,盈利會唔見一大截.而中航科工就擺明是軍工集團,專做飛機,特别是直昇機,旗下有幾間直昇機公司在A股上市,長期有盈利.2357在高位5蚊樓上回落到3個幾,跟住就回穩,呢2日借國内大炒軍工股而升左近2成,而其他一個外資股東空中巴士1個月前話會盡沽中航科工H股,唔知沽完未,若真係沽哂,2357有排升.他日若低空經濟成熟,離不開直升機類的無人機或載人直升機飛行器,軍轉民用,大有錢途.至於軍用的直幾直物直升機,更是出哂名的平靚正產品.我都開如留意2357,看吓有冇機會在低位介入.

留言

發佈留言

此網誌的熱門文章

千呼萬喚始出來,新增6萬億元地方政府債務置換限額

 直至2023年底,全國各地地方隱性債務高達14.3萬億,由於缺乏地產收益,全國地方政府每年化債能力也只有幾仟億,如一個人,碌爆卡欠下14萬,但每年只還得幾千蚊,條數永遠還不清,重會越欠越多的道理.正因如此,中央新推出6萬億置換隱性債務,為期3年,連同之前承諾的每年8仟億地方專項債,2024年開始,為期5年.即在2028年前會投入十萬億元化債,加上2029年全國各地棚屋改造政府會俾2萬億,到時全國地方政府隱性債務只剩下2萬幾億,相當安全,個別地方甚至會有盈餘.大前提是嚴禁和嚴防有新的隱性地方債務出現,有一單拉一單,拉人封艇.解决左因地產帶來的債務,地方政府可專心搞基建,能源,設備更新,這些建設都會為地方政府帶來盈利稅收收入.相對於全世界各個國家包括發達國家,中國現階段的債務仍是最低的,若有效化債成功,中國勢成經濟第一強國.
閱讀更多

3437博時央企紅利ETF原來已改了每手買賣股數

 此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
閱讀更多

個人持股太多可能是一件好事

 個倉持有20幾30隻用作長期收息兼賺價的股份,全是央國企或相關股份,不知是運氣好或是自已看得遠,站對風口,在沒起風前趁低掟飛標式買左一大堆有盈利,長期派息,又有大量現金的公司,每隻都係買幾萬蚊至十零萬,4大核心中特估持股就除外,買入初心是用來收息,價跌都不會止蝕,價不是升得太多也不會止賺,渴求的只是股息,結果過去三年多,中特估升足甘多年,派息總體都是越派越多,股價更是較買入價升左非常之多,已行左3年自己的牛市,可能重有排行.呢堆不起眼的股份,近排除完淨表演得好的有257,152,3983等等,根本唔想止賺,繼續坐落去,浮盈會越滚越大,派左的息又可充當血包同子彈,走去玩輸得起的瘋狂短炒,升起來嚇死人的遊戲.
閱讀更多