看山是山看水是水

 社論講好多車企一邊高喊要停止内巻,另一邊廂就不斷暗地減價打價格戰.而造車業的利潤24年已低至4.3%,低過其他工業制造行業,今年首季造車行業盈利更低至3.9%,而且在產量,銷量不斷創新高下,出現増收不増利,贏了口碑賺不了錢,甚至賣一架賠一架的現象,一旦追求價值和股價上升的資金獲利離場,這些車企只會剩下一個空壳.社論說中國造車業應以價值導向,而不是以價格導向,儘管中國新能源車在世界已具領先優勢,但仍要不斷努力尋求科技創新,保持技術優勢,加上外國競爭對手也在開始追趕,不能光靠低價白菜價就可持續下去.又舉例在上個世紀90年代,中國以低廉價格生產大量摩托車,迅速佔領東南亞市場,但在技術上原地踏步,一味鬥平鬥巻,但好快就連原來的份額都丟失.又舉例說現今國内高端的,20萬人仔以上的新能源車是一車難求,只因在電池,智駕等各方面都領先,能賣到好價錢,可保障到大量造車業工人的福利,和相關供應鏈產業的收益.如此看來,一大堆已上市或冇上市的民營車企,相信會有部份會捱唔住,在黎明到來前已先倒下.那些依靠科技巨企如華為提供高新科技支援的車企會活得更好,而這些車企又大多是國企.買入國企車廠股份可能更安全,雖然股價唔識大升甚至下跌跑輸其他動不動升幾十個巴仙,但又會無端端跌突的民營車企,但起碼唔會突然消失,唔夠實力就合併重組增强實力生存下去.

 5月份淨流入港股只有456.17億元,雖已是連續23個月淨流入,但較4月份大跌72.63%,也是自去年924大行情開展以來,淨流入最少的一個月.科技行業被大幅抛售,流出343.45億元.主要流入的是金融行業,浄流入264.58億元,醫藥保健淨流入84.16億元,能源類淨流入80.37億元.淨流入最多的個股是3690美團,淨流入155.78億元,股價升幅5.91%,其次是939建行,净流入117.27億,股價升幅10.34%,941中移動淨流入44.7億,股價升幅8.37%,883中海油淨流入23.86億元,股價升幅7.88%.淨流出最多的是700騰訊,淨流出218.43億元,股價仍升左5.39%,1810小米淨流出112.24億元,股價升幅2%,981中蕊淨流出40.12億元,股價跌幅13.54%,9988阿里巴巴淨流出27.49億元,股價跌幅3.06%.

 今次找安徽國企江淮汽車生產,用的全是華為最先進的黑科技,自家的作業系統,最高端最昂貴的豪華電動車,最低入塲價70.8萬一架起跳,呢類車其他車廠根本卷唔起,單科技已被抛離9條街,擁有此等車才能顯示財大氣粗,甚麼寶馬,奔馳,馬莎哈蒂都不是身份象徵.揸住架體積龐大的5座位尊界S800,如同一間行駛中的豪裝納米單位,按摩椅座位,頂級音響,燈光,還有好多想唔到的高科技.華為的科技實力是嚇怕全世界,難怪老尾要千方百計打壓華為,唔俾佢繼續強大下去,相信是無用的,越打壓會更越激發潛能,在各類高新科技領域中會越加強大.

今天北水仍淨流入狂買939,搞到939今天股價升2格,收報7.04元,仍在一年高位附近.不知不覺間,今個月股價已升10%,再加上今天收埋未期息,再一次體驗甚麼叫財息兼收.

 中移動A股拉升到116.5元人仔,3個月新高,歷史高位119.5元,隨時A股今天又倒升,A股中移動要升到120蚊人仔,根本易如反掌,用少少錢就搞得成,市升佢唔會大升,市跌就出來拉升佢,是調節股市升跌的最佳武器,日後升上150甚至200蚊人仔都不必驚訝.

呢3個月,257由3個3慢牛式升到今早3.9元,話多唔多,都算收貨,24年盈利下跌但都加左1仙派息,全年共派23仙,又唔駛扣10%股息稅,如無意外,25年又會大増派息 ,3蚊至3個零絕對買得過,3蚊樓下買左的更可坐定定等收錢,猶如當初3988股價3蚊唔夠,但年年派2毫子股息的景況.而家3.9元,買唔買得過我就唔方便給意見,畢竟我有貨在手,大部份還是在2個幾買入的.昨晚中央出左一系列水務國策,主要目的是節約用水,増强污水處理和環境保護力度.光大環境不就是這些國策的受惠者.特意去問無所不知的騰迅元寶,得出的結論基本上符合我想得到的答案.257在垃圾發電已是全球最大,過去幾年已動用1500億去發展,該起的都已起哂,不需再投入大量資金,過去借落銀行的錢,因内地銀行不斷減息,還款壓力大減,更不斷發厘幾息的新債去還銀行債.最重要是有2百幾億應收賬未收到,重高過成間公司市值,主要是國家和地方政府拖欠的,但只是有拖冇欠,早晚會還清的,而國家又不停發專項國債去化地方債,光大環境及其子公司提早收到的應收賬會大增,收多10億就多10億現金流,又可大派股息,其實24年257已成正現金流公司,達40幾億,25年應可達100億,1年賺幾十億,派一半俾小股東,都係20億,有大加派息的條件.幫你收垃圾,你要俾錢257,收回垃圾去發電又收你電費,是一門永續只賺不賠的公用事業股,也是能不停持續派息的企業.

 Taco 本來是指墨西哥玉米餅,但現在俾華爾街班炒鬼定義為Trump always chickens out. 侵侵總是臨陣退縮.Taco trade是指每逢侵侵出大招,講到天下無敵時,會有好多優質股被錯殺而大跌,在此時買入,唔駛好耐,侵侵就會縮,講左變左冇講過,呢批股份就會大幅反彈.希望市場多些Taco出現,等佢哋搵多d錢.侵侵對此嘲諷真的好介意,不斷兜,話自已從不退縮,彈出彈入只是戰術需要.如周星馳在食神中對白,甘易俾你估到,我就唔係食神啦.

 對上一次港交所在400蚊樓上,已是2021年,恒指3萬幾點之時.如今恒指2萬4仟點都未到,388已率先破位,主要是大勢使然,年頭全人類都知會有大量内地企業排緊隊來港上市,數目過百間,更不乏大量已在A股上市的大型權重股,而沒有在内地上市的公司,因為國策嚴加審查上市資格,混水摸魚的,上市只圖快速圈錢,又唔派息的公司,都不能在A股上市.香港這個國際金融中心就自然成為他們的上市樂園,講難聽d,香港就成為股市大賭場,各路資金不管是美資,中東資金,東南亞資金,内地資金,中港散戶都會來玩幾手,港交所就負責抽水,做旺個場,港交所做獨市生意就肥過豬頭,政府就靠收股票印花稅及一大堆金融服務帶來的稅收,隨時可填補在房地産失去的稅收,可更早達到收支平衡.香港只剩下金融這塊可發圍,高新科技要俾時間發展同有足夠人才累積投入才能成大事.至於房地產就算了吧,不要抱任何幻想.388在320蚊是最好買入機會,但當更多人相信388會大升,升到350幾蚊時,就有大批圖表派磚家走出來講甚麼均線,黃金交叉,雙頂,一大堆他們以為得佢地識的所謂技術,結論是一定會回落,個别更叫人去Put388,㨂d升到400蚊至會俾人打把,輸光輸淨的輪證去買,話一定會贏,冇可能會升到400蚊變廢紙.今日今日,甚麼圖表分析己是失效工具,學藝不精的半桶水的隨時連圖都睇錯,條線亂甘劃,宗師級的更因過度相信自己個套,唔肯接受新事物,得出的結論往往同真實結果完全相反.而家最冇偏見的是人工智能,甚麼技術指標,圖表問佢一定準過所有磚家,更加唔會有個人喜好同偏見,只是提出正常的推斷和提出會影響判斷的因素.遠離圖表派,等於遠離噪音,要找有用資訊,去找Al.

 國企藥企個倉只有3320同1093,1093去年開始持續回購,股價也曾自高位大幅回調,俾機會大家上車執錢,而家已升突有餘.而隻3320華潤醫藥,冇回購,跌又跌唔落,升又唔識升,又冇波幅,短炒做T都有點鶏肋,可幸北水持續買入中而且冇走,昨天除淨未期息得個1厘幾息,但好現像是昨天已完成填權,股價升幅已多過股息,除淨前1天買入者,就變相白白賺在厘幾息.今天股價似有突破,再一步上升,能否持續是個問號？對3320我仍十分樂觀,一來是去年隻股有波幅,狂做T,做左幾十次,多到數唔清,加埋已收的股息已做到接近零成本,因此可以大安旨意等佢大爆升.

 之前唔夠傻太善良覺得已賺夠,走左隻民企金嗓子6896,5毫子股息都唔等,沽左後日日升日日新高,距離除浄還有半個月,但冇理由而家再買.另一隻同樣重未除浄的107,由於是國企,有傻下去的本錢,升幾多都唔沽.做渣男做一次都嫌多,不能經常做,而且做渣男多數有報應,本已屬於你的會越來越好,如今同你已沒半毫子關係.

 侵侵話哈佛除左十分唔聽話外,學術都唔多好,歌倫比亞大學一樣差勁,只是比較聽話而已.佢話大量在美國高考SAT攞滿分1600分的學生都唔收,可能佢個外型高大的細仔都係學霸攞滿分,哈佛都唔收,專收埋些DEl學生,入去學2+2等於幾,算甚麼一流高等院校.

已核實的數字,從24年1月2日至25年5月23日北水新增買入4大内銀,3桶油,電訊三傻,再加神華,交行呢12隻股份,一共買左近4千億元. 而24年港股通全年淨買入6千幾億元港股,破盡記錄.用來炒的股北水就出出入入,有賺就走,跌完再買,升左又走,純是鬥走得快的玩意,本地散户跟北水玩呢種遊戲,相信贏的人少,輸的或被绑的佔多數,而北水用大量資金買入的高息中特估就只會長擺唔走,本來他們已是主要持股者,買入成本已好平,加上股價已升左好多,收息是主要目的,呢4千億新買入資金來自何方？國家隊,被指導方向的内險,基金,本已持有股份的散戶再複投加倉,帶來的後果顯著,就是股價易升難跌,大部份股份的股價更是升幅可觀,叠加收取高股息,年化收益率高到有點不敢相信.過去幾個交易日,北水每天淨買入最多的個股總是941,883,939,3988等.昨天中移動和中海油各自被淨買入,每隻5億幾元.

 最離譜是107四川成渝公路,昨天大成交下再升穿好多年新高,今天上午成交大減下仍繼續創新高,不久前升破4蚊全世界都話貴,今早4.88元,升左甘多,股息率重有6厘半,可能係之前被人過度低估,8厘幾9厘息都冇人吼,股價大升後先至有人追住買.要跌回相對較平的價位,恐怕要等除淨後.大隻的中特估,風平浪靜下天天升些少下,天天創1年新高,想等平d至買,又要等除淨2.49元後至有機會,883除淨前又俾北水追住買,油價唔升佢照升,根本唔多關油價事,幾年前國際油價100蚊美金一桶,883股價10蚊有找,而家60美金1桶,883要18蚊才買到,3年期間重派左4個幾5蚊息俾你.煤炭價格一直跌,神華由跌穿30蚊,快速上番33個幾,又係因為呢d超級大央企,會持續年年派高息俾你,買得遲又想買的人,只能望股價大跌才會買,但只要跌十個八個巴仙,大批人同錢主要是北水,會快你一步搶住買,令股價升番哂.一早買左貨的人就年年收息收到傻,收收吓距離零成本持貨就越來越近,進取又唔等錢使的人收左股息,會將股息趁低或不理價位再買落去,令持股不斷増加,之後收的股息會越來越多.

 196宏華集團傍晚出左個自願性公告,話公司接左單來自中東某石油大國頭部企業定單,採購人工島叢林式鑽探器,價值15億人仔.196經過多年虧損,終於在24年有盈利,賺758萬,成間公司市值唔夠13億港元,以今天收市價0.143元計,市盈率高達158.89倍.之前在佢出左去年業績話有盈利後,守株待兔式在毫零子買左些貨,等佢日後盈利大増,市盈率會因股價大升而大跌,升上個幾就是十倍升幅股,當然這只是一廂情願的想法,但股份成交額在業績公佈後明顯多左好多,股價就升少少.見到呢則通告,都唔知物鬼人工島叢智能鑽探器是物東東,毛利率高唔高？於是問kimi, 由於所知資料有限,只能取巧地問佢若以5倍PE同10倍PE给196,宏華合理股價應是多少？佢好快利用自已已知的數據同邏輯推理,話我知呢單deal會帶來3.5億元盈利,跟手又講左一大堆對196日後發展的正反影響,結論係若是給予5倍PE,合理股價應是1.35元,若俾高d給予10倍市盈率,股價會是2.7元.係真唔係？甘股價就會升20倍,氹得我鬼甘開心,當然選擇性相信,不過唔知幾時先會成真.明天若升十幾二十個巴仙俾我睇,我就會信多幾成.kimi其實好有用,尤其在數據方面,只要你問得夠精準,好多官方數據都會被引用,會講明出處,唔會亂吹亂嗡一通,甚麼外資個別版塊股票分析員,本地財演,教授學者應該好快失業,一定被炒,用長時間先出到1份較為似樣見得下人但仍有好多甩漏的報告,kimi唔駛1分鐘就搞掂,出埋power point都重得.雖然股票市場不是甘簡單就可予取予擕,重有好多因素能左右升跌,但能快速拿到精準數據同最新資訊,取勝率始終會高好多.

 一早預左會入港股通的半新股9960地平線機器人,好多本地散戶提早買入,股價也被拉高近1蚊,昨天正式入港股通,上星期四及星期五已跌左唔少,令好多入左貨的散戶開始淆底,昨天入港股通首天,股價未止跌,再跌5%以上,好多散戶止蝕離場,但北水昨天就趁跌大舉入貨,浄流入左7億幾元買入9960,今天繼續狂買,令股價大升11%.若今日才跟風追入,赢的機會還是有的,但若北水覺得已賺夠,又見有大量老散接盤俠接貨,佢哋會俾哂d貨過你,等股價跌得夠多才會再買番,畢竟這類股份他們不是買來收息的,不會長揸,是買來賺股價上升的,買得比你早,買得比你平,待股價大升後才做接盤俠高追,他們一定俾哂d貨過你,割你地韭菜.今天北水又大舉淨買入120億元港股,主要又是買盈富基金同恒生中國企業,待個市升多幾百點又會食胡,至於個股,買得最多是今早大跌,早前已跌左好多的外賣仔美團,其他物野都買,買得多的又是3隻高息中特估,中移動,建行同中行,沽得最多是2大權重股騰迅同阿里巴巴,近一個星期已不停沽,目的無非是質低股價,待恒指下跌,又買夠2800後,想拉升恒指,就在低位補回之前沽出的700同9988,令恒指爆升,食飽2800後,跟住又沽出在高位的700同9988,如此操作,循環不息,高位追入權重ATM,只會長期被綁做蟹,若你有9981注就唔怕,可不停溝貨,總有一次股價會上升,俾機會你鬆綁.但不要忘記,來股票市場玩,最大目的是要戰勝其他参與者,要嬴錢.不是為鬆绑而來或輸少當贏而來.

 本星期已連續2天創多年新高,昨早開市若買入,而家沽出都有十幾個巴仙執,若之前已買左,執得重多.唯一缺點是民企,升得太多怕又會出來抽水,如配股.雖然佢大把錢,幾年前上市圏左30億元,有錢賺就勁派高息,而家重有近28億在手.而家變左半隻寵物股,成為港股中稀有品種,有無限想像同上升空間,炒還炒,都係要小心一些,唔好一味追求贏到盡,嬴夠就收手.

 文件指引是要央企以資本運營為重心,細緻分工,做好本業,不會胡亂投資,目的就是要令國有資產達到保值増值的結果.航母級的大型央企,要做到保值己十分不錯,更,但要做到増值絕非難事,離不開國家政策的扶持,加上計劃經濟,就是具中國特色的社會主義市場經濟,讀番書只學西方經濟的人同學者,肯定唔識同有偏見.要國有資產増值,嗰批航母級大型央企的股價有可能會大幅下跌嗎？升得少主事者都要寫檢討反省邊到做得唔好.另外,内銀的最大金主中央匯金昨天又發定心丸,話會做中國股市的壓艙石,穩定股市.意下之意,内銀股不會大跌,慢升不跌會是大趨勢.

 上星期五收市報1.78元.下午一度升至5.1元,最後收市報4.09元,升左近130%.央國企其實有好多寶藏,PB越低,PE越低,又有盈利,又肯派息,股價又橫行的,有閑錢的話,可以掟飛鏢式求其買一堆返來等運到,唔升就坐响度收息,就算跌都唔慌會跌得多,升起上來,不鳴則已,一鳴驚人.

 特朗普知道唔夠電用,簽左行政命令要求儘快起多d核電廠.中國同樣在今年也大量增建核電廠,核電裝備產業鏈需求也大增,中國在核聚變方面已經領先全球,設備全可以不假外求,甚至可以連技術出口國外.龍華一號早已名震天下,1072同1133都是部份核電裝備的主要供應商,盈利前景會更亮麗.1133早已升到唔識停,1072就勒住升,有餘未盡,似有所圖.連隻大落後的2727上海電氣,今日都升唔少.

 今早升的又是一衆中特估,内銀,升幅雖不是很多,但天天升少少,累積升幅就會好可觀,加埋有穩定的高股息作後盾,回調時又唔會跌得多,跌完又會升番,就是大漲小回走勢,更是中國渴望出現的慢牛走勢.只要買得早買得夠平又揸得實,長揸落去已立於不敗之地,只是賺多或賺少的分别.之前提及嗰隻中特估港股央企3437,話好抵買,股價唔識升一有閑錢可慢慢收集,點知佢除完淨,就日日升,升左10%以上,以指數ETF來講是相當誇張,升到息率由8厘幾跌到7厘6,相信中期息又會大増,若股價冇大升,到時股息率又會上番8厘幾,買得平買得早的人到時就講緊係收十幾厘息,只望3437唔好再升,俾機會有低位增持,過去1年每股派7毫子港元,來緊1年應該有8毫至1蚊息,若股價能在8個幾9蚊唔再升就最理想.

 之前侵侵話歐盟成立的目的就是長期揾美國着數,當美國係水魚,於是喊打喊殺話要在6月1號加歐盟50%關稅,呢頭講完,嗰頭又話好満意對方態度,我又贏左,同意推遲期限,次次都係開頭時靠嚇靠吹,對手稍為強硬d回應,佢就會縮,拖吓拖吓到頭來隨時冇左件事.

 此股在21年上市,上市價好貴 ,每股9.2元,集資30億上市首日就大跌14%,跟住股價就未好過,主業是家居清潔用品,是内地立白集團某個部門分拆出來獨立營運而來港上市,旗下超威滅蚊殺蟲水更是內地同類產品中銷量排首位.而大股東持股高達74%,高度集中,冇物街貨,外資UBS只零星持有1%.此股過去是港股通股份,但因股價大跌被剔走,去年年初股價低見1.2元,市值得番10幾億,但23年盈利大增,24年更加靚,全年盈利2億,再加上派息慷慨,24年派息比率8成以上,股價也由低位1.2元慢慢升到2.75元高位才停,股息率也因股價大升回落到5厘幾,上星期五股價在大成交下下跌近3%,若再跌多d,消化哂d獲利貸,就可考慮買番多少等運到.此股近2年最大賣點是不斷渉足寵物業,近來A股的寵物股升到傻左,升到幾十倍PE,皆因悦已經濟大行其道,90後,00後購物,消費目的只為取悅自己,不是必須品的如拉布布公仔,各種唔同口味的茶飲,零食,養寵物都有龐大的消费力.而6601近年已在線上線下大搞寵物消费,由食糧,護理產品一應倶全.更在深圳各大商場開左十幾間爪爪喵星球實體店,俾貓痴入去擼貓,喂貓食野,同貓玩,順便賣番d貓糧,貓沙,保健品等產品.此門生意,營收越來越多,盈利也高速増長,更已衝出深圳,在成都插旗開店,更準備在全國各大城市落地開花,之後會否一帆風順,盈利大增,都是斷估,都是未知數.此股基本因素唔錯,幾年前上市圈左一大舊錢,搞到而家有27億現金在手,有息負債得幾億,個20幾億無作為地放在銀行收息,1年收4千3百萬利息.股價已翻倍,市盈率都係15倍,A股同業動不動就升到50倍.可惜現在市值只有31億,入唔番港股通,若現在是港股通,一定俾北水買爆.但會唔會有一種可能,有某種力量,用少少錢買到佢市值到50億可重入港股通行列？若假設成立,現價去到市值50億還有4至5成升幅.當然這全是靠估,不一定會發生.股價大幅回調時才考慮買些少博大霧.

 馬照跑,跑完又冇派彩,中左都唔知收幾多,幾時有得收或冇得收又唔講,只是不斷延遲開跑時間等跑下一場,重話日後搞甚麼賽馬旅遊,吸引内地遊客來港.如此科技水平,馬會董事大都是物都唔識只識炒賣的地產富二代同利益集團代表,都是甚麼大會計師行,大律師行,大銀行代理人,是去年才揾中銀的人入去沖淡吓往日殖民地色彩.真係要整顿下,搵阿爺d人入去坐董事局,要有中國特色的馬會.

此運動會可使用任何禁藥,為求把人類打造成超級撤 亞人,突破人類極限,可謂用心良苦.拿金牌最多的國家一定是在藥物硏究上遥遥領先.中國是第一個出來表示強烈反對的國家,過去因體育成績進步得太顯著而被質疑是用藥,用重力度加強對中國進行藥檢,但找不出任何毛病,反而部份其他國家被查到用藥,既然中國不是靠用藥而是靠實力,而家就諗到拿正牌靠醫藥科技鬥用藥决一高低.侵侵個仔確實是一人才,只可惜哈佛唔識貨竟然唔收佢做學生,難怪侵侵要搞死哈佛.

 今日有記者問侵侵為何不讓全球最優秀的學生來哈佛讀書？侵侵話有好多學生,連簡單的2+2算術題都唔識做,哈佛入面就有大量呢種學生.又長知識啦,2+2其實等於幾,真正答案是多少至今是個謎,侵侵又唔開估,佢心中的答案同哈佛資優生的答案是否完全唔同.哈佛有27%都是海外留學生,面臨被趕走,但西方多國加埋香港都想搶奪呢班人,究竟是侵侵唔識貨定係有一大批蠢人當呢班人係寶,相信日後定有公論.比利時23歲未來女國王讀左1年哈佛,未讀完都要被趕走,侵侵做野算是鐵面無私,一視同仁.諗起當年讀中學時,課程設定關係一定要死讀篇嘢叫諫逐客書,是李斯叫秦王唔好驅趕非秦人的人材離開秦國,秦國日後才可稱霸天下.歷史演變结果日後秦國果然一統天下,但之後就焚書坑儒,唔聽話者自認是精英阿芝阿左阻頭阻勢就殺無赦,埋左你都重得,古詩有云,百無一用是書生.呢個世代,點都係鬥科技鬥錢多先可以話事,重理輕文已是全球趨勢,中國尤為顯注,讀一大堆書,自認精英靠把口揾食,從政如律師之類的行業,應該是夕陽工業.

侵侵話歐盟是最唔聽話,最冇誠意談關稅的國家.决定在6月1號起加歐盟50%關稅,除非輸美產品改在美國生產就可延後同再傾,財長貝森特補飛話增加50%關税只是想提高歐盟對談判的積極性,大有開天殺價,落地還錢的意思,加上侵侵習慣朝夕令改,隨時話變就變,聽住先就算,但已足夠搞到歐盟各國股市大跌,可能侵侵集團一早買定歐洲股市大跌,已經在數緊錢.另外侵侵又對所有不在美國生產的手機徵收25%關稅,三星,蘋果全部走唔甩,在6月底前實施,除非將生產線擺在美國就唔收.美匯指數又大跌,唔好話守住100,連99都穿埋,越來越相信侵侵是有心令美元眨值,増強貨品出口的競爭力,但問題係美國有冇能力成為制造業強國,有足夠產品能出口,而同時又可唔靠外國進口貨品而生存到,可能侵侵覺得可以,我係總統,我想做物都得,唔試點知唔得,衰左最多冇得玩,蘇州屎留番俾下任執.睇美國不斷内鬥内耗其實好過引,侵侵只要搞掂埋法院,再冇法律手段阻住佢亂甘來,侵侵就可大搞佢心中的MAGA.所有被委任的美國大法官,邊個唔係來自哈佛法學院？師祖蒙難,徒子徒孫都可能因各種原因而坐視不理.至於靠政府揾大錢的幾十所大律師行,已一早全部跪低哂,簽哂支持政府意向書,取消哂上任政府推行的DEl政策,甚麼大愛包容,不分膚色,種族,性傾向,公平分配資源,公平就業等,一有違反的機構就俾人告到褲甩,就連投行高盛等都講明唔同違反DEl政策的公司做生意.但侵侵上台後,高盛就刪除相關條款,甚麼DEl已全部唔見哂.商人治國,一切睇錢為上,已債台高築,最緊要揾錢,賺錢解困,重點會俾大量金錢去支助哈佛等高等學府搞物野大愛包容,唔聽話就收你皮都重得.

 國資委旗下誠通帶頭認購,呢3隻ETF都是誠通找3間基金搞的,規模約20多億.原來國資委在23整左個國企數字數濟指數,表現大幅跑贏沪深300指數幾條街,但平均市盈率28倍,高過沪深300指數好多,主要因為多半導體股如蕊片類,盈利追不上股價升幅,最大權重股是中芯國際,佔比10%以上,頭20大權重還包括中移動,中電信,中聯通,中興通迅這4隻有在港上市的央國企,其餘就只在A股上市的軟件,數據中心,雲計算等股份,呢批股份極大可能會來港上市.國資委執行國家政策,除左要不斷做大做強旗下央國企的傳統壟斷業務,更要發展壯大科技業務,要在市場佔主導地位,數字經濟就是央國企佔主導的行業,大數據,新質生產力關乎手國家安全,國家能否不斷壯大的關鍵,因此必須掌握在央國企手中.3大電訊商不能只視他們是冇増長的公用事業股,他們才是真正的科技股,一片藍海在面前,應享有較高的估值,股價還有好大的上升空間.

 股價似一早已預視私有化會失敗,股價連日下跌,遠離收購價,私有化消息初確認時,股價升了一陣子,跟住就升不動,跟風高追的又要被深套,法例規定,下次再提私有化要等18個月後,若近日見股價比私有化價低,有人走去入貨想賺粒糖會被教訓,今次私有化反對的達39%,法例要求要75%贊成才能通過,至於說好會派的特別息是計入私有化價格内面,如今私有化計劃失效,是否連特别息也會唔派,若是,大股東又可慳一大筆.近來本地公司私有化大部份都失敗告終,不要貪平走去博私有化成功.若不幸遇上無良老細,今次私有化失敗,下次再提私有化把股價搞到再跌1半或更多,跟住皇恩大赦再加個70至80%溢價過你,看來重敢唔敢反對唔交出手中批貨.如第一次出1蚊,市價7毫時你反對,18個月後股價跌到3毫,跟住加8成溢價,5毫4收你批貨,你會再反對嗎？

 中國最強2間新能源車企,繼續遥遥領先.華為汽車分身赛力斯今早升10%漲停,接近歷史最高位,升左10幾倍,又晉身指數權重股,稍後來港上市,肯定又破盡所有紀錄.1211比亞迪1拆3前股價不停創歷史新高,分拆後股價會更上層樓,現在一手500股要20幾萬入場費,相信大多數已入場的散戶應該冇彈藥再溝貨若股價某日大跌,要増持的話真係要錢夠多,1拆3後情況會好好多,每手7萬幾蚊好多散戶買得起,增持或溝貨都有子彈.

 北水連續多日浄買入939,昨天又淨買入9億幾元,今天股價不計派息,7.03,已創52周新高.隻3618,今天除淨扣左股息,股價還要上升,同樣來自四川的1963重慶銀行,今天又破哂位,升破冇十年都有八年的新高.真係要研究吓有物野上市冇耐,規模較細的城商銀行,如租左國金2期的東莞農商銀行,國際大銀行都嫌貴租搬走,呢d國内地方細銀行反而財力雄厚,得閑時真係要研究吓他們在地理上是否有優勢和盈利能力強唔強.

 民主黨的freind哈佛大學一向同侵侵唔妥,早前侵侵已斷佢糧草,不再撥款俾佢.個校長話驚都未驚過,全世界大把人爭住入來讀,特别係有錢人.大學大把錢,怕你條毛.昨晚出殺招,下令哈佛不能再收海外學生,讀緊的一係轉校,一係離開美國.哈佛話哂都係全球頂級學府,吸納全球精英學生入讀,冇實力都入唔到,靠權勢金錢入讀只依極少數,侵侵為左啖氣,竟拿教育來玩,可能堅信單靠美國人就可再度偉大,所有野都可以重新領先全球,趕走哂d寶貴人材,對競爭對手來講真係件天大好事,真希望侵侵做多届美國總統.

 茂盛控股的大股東正是近日被傳媒大肆報導的永倫集團,說甚麼蝕賣工商物業,推測可能是財困之類未經證實的消息,實情是已去世的創辦人生前在低位買落唔少工商鋪,寫字樓,現在賣出部份都係賺到笑.3個月前22號仔出售永倫800酒店给機管局,套現7億幾,跟手又向永倫購入某個商場同車位,同時宣佈派發特别股息12仙,當時股價4仙幾,消息公佈後股價立馬升上6仙,之後股價一直上升,大股東除浄收左大量股息後,股價並冇大跌,股價還有10幾仙,,但更神奇是十幾日前又宣佈再發特别股息18仙,幾天内就除淨,1隻股票當佢得6仙至10仙時任人買,短時間内收息就收左30仙,更離譜是22號仔今天股價大升5成,收25仙5,當你10仙買,已收30仙息加埋股價升幅足足近6倍回報,當然最肥就是大股東,現價當然不會買,都派哂錢俾自已,而家至去買,多多都賣俾你.

 打新已成新趨勢,稍具名氣十隻中有九隻上市後初期表現都很好,呢隻恒瑞在A股是白馬藍籌股,過往股價曾升到飛上天,但泡沫爆破,股價腰斬再腰斬,始終爛船都有三分釘,還是權重指數股,在港的上市價遠較A股為低,低約27%,有水位上升.相比股價同樣較高位腰斬的寧王上市價同A股幾乎同步,上市2天股價比A股重要高1成,是少有的幾隻H股貴過A股的股份之一,恒瑞更具上升誘因,不過話雖說回頭,有幸抽中都係再升多些少就要走,不要長揸,因為大量在國内已上市的股份排緊隊落來香港上市圏錢,其中不乏有前景亮麗的優質股份,可以長期持有,當然也有許多博大霧只為圈錢套現的股份.

 四川雙儍107同3618只識升唔識跌,隻107成渝公路升到出乎哂我想像,傻傻地揸住唔放或許是最好選擇.另一隻鄭煤機564由於肯派高息,派息比率又在5成以上,業務又多元化,不單只是做同煤炭相關的裝備,更準備改名洗底,24年未期息每股派1.12人仔,超過10厘息以上,正因如此,股價又一直上升,升到多年新高,升到息率得番8厘,高息加上業績穩定的股份始終會被人炒上的,最好是未大升前,趁低入定貨,收住不錯的股息,等待大升的一天,一旦呢日到臨,股價不必較買入價升1倍,只需股價加股息接近或超過1倍,大可沽出1半持貨,剩下的持貨就是無本生利,變左無期限的固定資產收益,只要間公司一日唔執,就可收息收到天荒地利.若更進取,更可1股不沽,俾多少許時間,只靠收股息就可收到零成本持貨.

 老尾要玩大穩定幣,目的用心良苦,於是要救美債.穩定幣法案規定要發行穩定幣,必須有等價的現金或美債作保證,若日後幣市瘋狂,供不應求,要再發新幣,就要大買美國國債,散戶買入加密貨幣博大幅升值等同買入美債,可抵消其他國家減持美債的部份影響.比特幣,物物幣之類始終會大升大跌,等緊散戶入來賭,若走唔切最終都會被收割.昨晚又玩債股匯3殺,數據顯示,過去2星期,散戶大量買入美股,而對沖基金則大手做淡,當人人都話美股己跌完,有機再創新高之時,大收割又再來過.

 28號又會收到939中期息每股0.22元,939其實已創1年新高,過去任何年份任何價位買入並一直持有至今的投資者已經收獲滿滿.相信好多人都已零成本持貨,每年都會有立場先行的所謂專家走出來講中國經濟下行,內銀一定出事,一定會减派息的鬼話,對長期持有者已毫無意義.就像一隻令人討厭的蚊在耳邊嗡嗡叫,應對方法一係趕走佢,一係拍扁佢令佢永久失聲.

 呢隻3618升到甩轆,已升到唔夠5厘息.早幾日MSCI中國指數新加入6隻,剔走17隻,新加入的6隻,其中5隻是A股,港股只有1隻,就是重農行3618.5月30號收市後生效,預計被動基金會買入4390萬美元3618,至於是提早買入或在5月30號競價時段才買入,相信後者居多.有貨在手當然繼續持有,至於現價才高追就不太值博,雖然被動基金買完貨不一定會下跌,但股價實在已升太多,息率已不太吸引,低位有貨者就另計,收緊好高息.

 新華保險同中人壽合資組成鸿鵲基金買股票已進行左2期,第一期共用左500億,第二期共用左200億,為左響應當局號召,來緊會進行第三期,做大内險買股試點,現正加緊籌備,儘快落地,金額未知.除左講會作戰略部署,更會戰術部署,最重要是講會配置港股,不只是買A股.新華保險過去3年都冇物買港股,但今年2月首次舉牌392北京控股,舉牌意思即是持有某公司5%或以上股份就要公告天下.睇番北控股價,由2月至今已升左好多,好似已接近一年新高.392派息尚可以,一年派2次息,現價接近5厘.之後新華保險多數都會買穩定並長久派息的央國企,息率有4至5厘已足夠,收益肯定好過買債,至於佢會睇中邊幾隻,我就唔知,只知俾佢看上的股份,股價之後一定不會太差.

四川雙傻,107股價上升但股息由8厘幾跌到得6厘幾,3618重誇張,股價持續上升也令股息率從8厘幾跌到得5厘幾,2隻都未除淨.覺得市場有部份資金正在大力收集中特估高息股,買左就長擺.在低位買左中特估並一直持有的朋友當然笑逐顏開,拿得住,一路收息又唔走,真係爽到死.而家衡量一個人是否中產或是較富有的人,不能看他是否高薪厚職,人工越高越高危,更不是看揸住多少層未供完或己負資產的樓在手,而是看佢手中有多少高息股,是真金白銀買入需不靠槓杆,若你同人講有幾萬股中移動,幾多十萬股内銀股,幾多高息電力,公路,石油煤炭航運股,你肯定已是一個衣食無憂,不需要再奮鬥,更不會有甚麼中老年危機,怕俾人炒,俾社會淘汰.只需定時定候收息不必理會股價能否大升已可躺平.

老尾對中國蕊片的打壓根本起不了作用,除了華為,不知還有多少企業的秘密武器未出,小米用左500億,用十年時間磨利把劍, 一出就見血封喉,老尾還錯估形勢,以為用蕊片制裁中國就可減慢中國的發展和壯大.照此情況演變下去,中國隨時成為價廉物美的最大蕊片出口國.中移動近日股價異常強勢,不知是否自行發展的蕊片有重大突破並量產,可用在各種高科技產品上,不假外求,甚或出口給友好國家 .玄戒只是初級版,更勁的孫悟空,如來佛祖都未出.哪咤只是個小屁孩,都可搞到我命由我不由天,若出埋孫猴子,更加不得了.

 此股一年最高位2.3元,一年内由8毫幾子升到2蚊,今天好大可能會創新高,由於股價已升左唔少,已不算高息股,若盈利多左5成,派息又加番5成,股價冇點大升的話,又可勉強成為高息股.此股好賣的產品是近年大賣廣告的何濟公,保濟丸,飛鷹活络油等,可能已成内地同胞至愛的香港產品.一間專賣老餅至會幫襯的貨品,但慶告就搵算是年青人偶像的軒公做代言人,洗腦又難聽的廣告歌日夜轟炸,又搞d甚麼好聲音,内地同胞可能受落,而内地客才是他們的目標.

 昨天325布鲁可的升幅比泡泡瑪特更多,泡泡瑪特已升到甩哂轆,北水更已連日沽出食胡.布鲁可若入港股通,北水又多一隻题材股可供炒作,325上市至今都升左8成以上,但都未算太誇張,今期恒指公司把3隻升左好多的半新股布鲁可,蜜雪集團,古茗納入恒生综合成份股,令他們具備入港股通資格.這批沒有在内地上市,但知名度,產品銷售,受歡迎程度在内地都極高的公司,放在香港上市,即日大升或大跌都冇限制的股份,一定會係北水追逐的股份.

 一年期的定存,均跌穿1厘,2間銀行都是0.95厘,其餘活期,3至6個月就更低,其餘銀行相信好快會跟隨.有大量存款在銀行的人,一定要替資金找出路,買國債好,買穩陣高息股都好,總好過放在銀行,存錢在銀行不如買銀行股的說法,會有更多人認同.而當局近年亦積極鼓勵企業,央國企推出不同類型的Reits上市,不只是房地產,更多的是物流倉庫,公路運輸等等,只要一年利息有2厘幾以上,都會被買爆一空,而Reits的數目増長得好快,中港2地Reits的互聯互通相信好快就成事,只要業務穩定,题材好,息率有一定吸引力的Reits就會跑出.

美匯指數又跌穿100,長債息又逼近5厘,當美股連升2周,大家都以為冇事,可繼續炒上之際,國家級大户趁股價被抽高又準備收割韭菜散户,今晚美數多數瓜多過菜.

 A股龍源電力今天收16.98元人仔,H股6個7港元都冇.難怪内險瑞眾只買H股龍源電力,持股已佔H股發行量16%,港股通北水更已持有51%,連黑石blackrock近日也増持916至5.12%.A股龍源升甘多,可能有利好消息起尾,AH差距6成以上,中移動都是3成溢價,只能説916太便宜,而且大部份股份在低位己被機構投資者買左.

 侵侵擬立法向非美國公民,包括數以百萬計持綠卡的合法移民,持工作簽證的勞工,在股票市場炒股的外國人,把錢匯出國外都要收5%稅項.最受影響的是一大批中北美州的移民,這些國家超過近3成收入都是來自在美國工作的移民寄回老家的錢.另外是短線炒美股的外國人,除非你已决定長期投資美股,賺蝕都把錢留在美股,不會套現將錢匯出國外,否則將要被侵侵白白收你5%稅,明明匯出1000美元,實則只能匯出950美元,其餘50美元就貢獻给美國財政部幫手還外債.侵侵為減負債,物野招都出,一切向錢看,為達目的,所有野都可以用來出賣和交換,原想大刀揮向自己人政府公僕,可慳唔少錢,可惜遇到太多反抗壓力,裁的員工數量沒預期多,節省的錢根本不多.節流不成,唯有開源,要美國優先,所有移民必是首先被收割的一群.

 内地網上有一段子,覺得颇有意思.故事是這樣的,老板y给了1百蚊獎金俾員工A,員工A馬上往文具鋪B買野,用晒100蚊,但B冇現貨,要隔幾日至有貨,B收左錢想起欠生果檔C1百蚊,馬上清還,而C又欠補習老師d100蚊,C收左錢又馬上清還,d原來尚欠B文具鋪100蚊,於是又清還俾B,一天後,A决定唔等批貨,要B退番100蚊,1天的時間ABCD都冇損失,但BCD相互間的債務就一夜之間消失,堪稱多贏奇績.有人認為y是國家,A就是國有銀行,買野的行為就更似發國債,B,C,D就是地方債,國家只用了100蚊就化解左300蚊的地方債,而銀行收到的100蚊獎金仍然存在.

 早前在印巴軍事衝突中一戰成名的外銷版中國制歼十CE戰機成功爆紅後,中國初期顯得十分低調,沉默得令人可怕.反而印巴在停戰後雙方表現狂熱,巴國舉國歡騰,以戰勝國自居.印方也不視弱,堅稱自己無輸,沒有戰機被撃落,還白事當喜事辦,搞個十天全國勝利大巡行,以掩蓋莫迪大仙大跌的民望.但這一切已被本世纪最强大武器互聯網視频所摧毀,中國網紅豪哥哥推出的短視頻剛買的飛機被打了,火速紅遍全世界,更有無數的模仿版出現,令印度一夜間成為全球的笑話,令印方激到扎扎跳,是事實又冇得駁,揚言要告到聯合國,又恐嚇會對轉發類似短片的平台罰款,但傷害已成,條片真係好成功好好笑,就連南韓同其他地方的新聞主播在報導此事時都忍唔住笑都碌地.既然已冇彎轉,即時的效果是世界多國包括孟加拉,都想買歼十CE戰機.中國也不再謙虚同隱藏實力,在今天的央視新聞公開讚揚歼十CE戰機的優越,話最近在境外發生的空戰中,國產自行研制的歼十CE戰機,接連擊落多架對家戰機,自已就絲毫無損,全身而退,跟着又推銷此戰機的性價比,優點等等.其實此外銷版歼10並不是中國的主力,只是三代半戰機,己接近被淘汰.现在的主力是歼20,甚至去到歼36六代機.6月中巴黎會舉行世界軍事航空展,到時中國的平靚正戰機和配置的導彈,作戰系統會成為焦點.現在趁早催局一下便宜的中國軍備,到時可加價重可以搶佔更多市場份額.

 中國連番減持美債後,日本仍是持有美債最多的國家,持有11308億美元,英國做左接盤俠排第二,中國則跌落第三位.持有7654億美元債,若每個月持續減百幾億,美國都有排驚,得罪了甘多盟友,歐盟重點會增持美債,最乖的英國3月份都係増持左46億美債,還是少數同美國出現貿易逆差的國家,即美國進口英國的貨值遠大於英國進口美國的貨值,按侵侵的商人邏輯,即是美國長期揾英國笨,加上見英國係甘買美債,就只加英國10%關税,根本就唔係對等關稅,邏輯上應該係唔收英國關稅先講得通.

中信金融以均價4.5499増持中行H股,持股量由13.11%増至14.07%.早幾日平保也公佈再增持郵儲行和農行H股,令此2股的持有量增至10%.不停甘買,又長揸唔沽,内銀想大跌都難,冇人敢沽空對賭.

 肯定又是北水在狂買,下午返來冇耐,成交就過10億元,A股中移動微跌,成交6億幾,1股要成113.3元人仔,要買來收息,内地人ー定落來買H股,同樣金额買H股可買多更多股數的中移動,就算要貢獻國家稅收,俾多28%股息稅,點計都大有着數,反正52蚊上市的A股中移動己冇可能再見,上市3年股價升左倍幾,重未計期間所收股息,能長期揸住唔放又唔嫌棄佢升得慢,又冇波幅的投資者先至係大贏家,回報極好又省心唔會怕呢樣怕個樣,揸實佢每年派大把股息過你,股價除浄後一定會高過之前,大跌市時佢只會跟跌,跌少少.大升市時佢又唔會升得太多,會被人嫌棄買左佢,只會餓又餓唔死,彈又彈唔起.但穩定其實才是最重要的,確定性三字值千金.如今升穿86蚊,破哂位,年頭1月2日股價才75.6,好多人嫌貴唔買,而家86蚊更加唔會買,好大機會以後都唔會買941.

 可惜她不是國企,唔想長揸,連升多日,今早再升5%以上,沽左佢獲利,甚麼5毫子高息當已可提早獲得.可能分手分錯了嗎,若之後繼續升,就當有緣無份,起碼已留下一段美好回憶.高息股若是金子,就一定會發光.

 今天北水又浄買入9億幾元939,過去3天已浄流入23億多元,中期息0.22元已除浄,今天收6.93,若計埋中期息,又是一年新高,除淨前最高是7.02元,已除淨,北水仍不斷買入,相信又是為長期收息而來.另一隻尚未除淨的中移動,北水連續3天已浄買入10億元.在買入這些高息股的同時,北水則不停沽出ATM,中芯等股份,騰迅已連續8天浄流出,沽左123億,今天被沽左23億,昨天的業績好好,但今早一樣高開低走,北水要計數食胡,借業績好股價高企沽得更狠.巴巴算沽壓較細,雖然都是持續多天淨流出,但金額不大,今晚出左業績,股價明天上升或下跌全是北水說了算.近日内地有不少評論說銀行股進一步上升極大可能同早幾日出台的監督公募基金表現措施有關,政策規定基金的基準要和沪深300指數表現掛鈎,若表現大幅差於沪深300表現,會被扣3至6成獎金甚至飯碗不保,不是以前就算大幅虧損,管理費,獎金照收,蝕就蝕散户錢.而大部份基金經理都是買入波動好大的垃圾股,配置的金融類股份如内銀不足3%,而沪深300指數内銀佔比12%,明顯低配,而衆多蕊片股又是買得過多,為左飯碗,跟番沪深300比例買股,就算唔贏,都不會跑輸沪深300太多,到時一樣可照舊輸客錢,獎金,管理費分成照收.H股的高息股也可能是他們的目標,買左收5至6厘息,股價重大多會上升,可令基金表現達標甚或更好.國家隊在低位已買左好多,並已令股價穩定下來,係時候讓基金同保險公司接力大量買入,以達致長期慢牛狀態.

 916首季盈利雖大跌2成以上,但若剔除快將剝離的火電業務,風力發電盈利是大増的,特别是在4月份,風力夠多,風力發電的時數増多,而916的定位是全綠電,母公司國家能源集團擁有大量綠電項目,親生仔916裝機速度竟不及華潤電力,可能在執行力及管理上有所不及,若不能短期内大幅增加風電裝機,母公司隨時可注入風電項目増大實力,退1千步,就算母公司不注入資產,916的盈利仍會是持續増長的,蝕本絕不可能,隨着風電越装越多,在全國各地落地開花,成為風電之王指日可待,用大自然的風來發電,唔駛成本,不用好多年就可收回興建成本和利息,而且可永續年年收錢,理倫同效果跟長江電力如岀一轍,長江電力當年未大升前,負債比916高好多,後來主要設備完成後,已不用再大力投入資金發展,天天收錢,上天下得雨多,水力夠,就賺多些,干旱就賺少些,但每年就持續派高息過你,派息比率70%以上若投資者識於微時,在2,3蚊買入長江電力長期持有,現在股價20幾30蚊,息率都係得3厘,且不理會股價升左幾多倍,你幾蚊買入,現時講緊你一年收幾十厘息,好過做大牙窿,重唔怕收唔到數,若期間不斷收完息再買入,儲的股份越來越多,收息收到唔知點使,未來用來養老絕不是問題.現在916也有相似情況,股價唔升,上個月更跌穿6蚊,5個幾任人買,又係送錢俾人使又冇人領情,最叻都係内險瑞衆,早幾日在6個2再度増持H股916,令持股量進一步升到16%以上,現在916股息率絕對唔高,4厘都冇,但眼光要長遠些,低位不斷攢股,可預見將來盈利會大増前能長久持續,到時就唔係只得4厘甘少.916同門師兄弟中國神華幾年前股價10蚊都冇,但持續派高息,就算煤價不再來升而大幅回落,只是賺少左,但股價跌極都有32個幾,年年繼續收高息,只要買得夠便宜並揸得實,又係一隻安枕無憂股份.

 去年10月中,836以每股19.7配售近2億新股,集資73億,其中1.7億股由大股東華潤集團認頭,其實根本就是大股東看好前景,借發新股増持股份,本應是極大利好消息,但不知是有意或錯殺,股價持續下趺,一度跌破17蚊,但北水在這5個月期間不斷買入,越跌越買,直情係送錢俾佢地,直至4月頭,836開始日日升少少,可能北水已買夠貨,貨源盡在他們手中,天天升少少,不知不覺已升到19.8元,升近2成.去年業績已靚到爆燈,1年賺143億,市值唔夠1千億,今年已發佈的每個月售電數字,全部都是上升的,特别是4月份,起風了,風力大增,風力發電的使用小時數,大増,另加煤價持續向下,火電盈利會大增,完成配股同分拆新能源發電回A股,又有幾百億回籠,大幅減低利息支出之餘,重有能力繼續起更多新能源裝機.相信唔駛好耐,每年賺200億的日子必到,重大有可能會持續好多年.若能年賺200億,市值得1千億未免太低估,到時市場資金自然會糾正股價.

 去年中人壽和新華保險合資500億成立鴻鵲私募基金入市買高息股,效果良好,收獲甚豐.於是當局利用行政指令,要内險緊跟此政策,至今各内險已準備左3200億元成立唔同私募基金入市,為自已保險公司賺取更大收益.中人壽同新華保險食過翻尋味,再各出100億成立鴻鵲2期,再入市賺息差.内險入市買A,H股會買物,一定係高息中特估,内銀之類.

 4大内銀當然是最重倉,依次是建中工農,單持有這4隻内銀的市值就高達3.93萬億,持有最多的建行,持股高達1433.55億股.單是收股息,4大内銀一年都收好幾仟億,有個甘大的政府莊家坐陣,你揸住内銀怕甚麼,特别是長期持有者,甚麼怕減派息,政府揸住甘多,根本無可能大減派息,至於執笠更是杞人憂天,你離開地球佢地都依然存在.今天中港的内銀股都係繼續升唔停.中央匯金除左集中持有4大內銀,都有揸其他金融類高息股份,如内險,證券股,不過規模就細好多,持有較多的有平保,新華保險,中金,中信建投等.

 中遠海控1919四月至今升左2成幾,嗰仔東方海外316升幅都在2成以上,連883中海油都升左10%.呢批磚家成日話好危險的周期股,根本就不危險,有良好業績,高派息作後盾,日後行業走勢是上升或下跌周期,上帝同先知都不會知,所謂磚家憑甚麼可以準確預測得到,外資大行重好笑,每隔幾天就出預測,龍門任搬,總之就想散戶跟住他們的方向走,接住就睇住散戶來食,其實某隻優質股票只要跌到不合理股價時,又有高息墊底,管他是不是周期股,真係唔怕買或増持,升左沽出又得,繼續持有又得,低位買左跟住長揸肯定贏到笑,甚麼周期股不能當高息股長揸,那全是鬼話,只要買得夠平,是但揸住隻高息周期股,數錢數到手軟,若你揸住隻316或883超過3年,單係收股息都可收到零成本持貸或接近唔駛本持貨.還可長久地繼續收息.

 4大内銀上升令恒生指數跌少好多,應該講是央企中的指數成份股大部份都是上升的,跌的都是權重的ATMJX,ATM是俾北水用來炒上落的,沽完貨質低個價,低位再大力買上,同時在低位大量買入2800,待大市回升,就先沽2800獲利,ATM就等散戶幫手接貨,拉升股價,跟住他們就俾哂d貨你,等低位再買過,高位追ATM的老散多數會中伏,多數走唔甩,有9981注就唔怕,可不停溝貨,始終會升番段俾你走,所謂本多必勝,若本錢不多又或者用好大槓杆買入,則好大可能倒在返家鄉前,被人斬完倉隻股先至來大升個種滋味更難受.講番呢2隻四川的銀行股,強到冇朋友,根本唔跟指數行.同樣隻央企紅利3437都唔係跟恒指行,又唔跟國指行,只跟央企指數行,只要權重的3桶油,中遠海控,東方海外,電力股,資源股,中移動之類等唔大跌或者上升,佢都會逆市升,全年計數股價都唔會有太大波動,買佢只為她的持續派高息,能每年俾8厘幾或更高的股息過你.

 首季度内地平板共銷售852萬台,華為穩佔第一位,市佔率34.5%,第二至第五位依次為蘋果,小米,榮耀,聯想.小米果然是物都識造,雖然大佬,2哥都好難爭到,但起碼穩勝過氣龍頭如聯想等.早前小米大舉進軍分體式空調,銷量又是非常好,美的未必干得過,但輾壓格力焯焯有餘,日本Panasonic 更被中國家電商幹到快生存唔到,今個月在日本和海外各裁減50%員工.

 昨天收市後,科技巨頭華為宣佈與深圳優必選9880合作共同進軍機器人業務.9880股價昨天收市已升左近10%.過往華為選擇赛力斯作為合作伙伴,進軍電動車市場,推出一大堆問界電動車,銷量,盈利好到不得了,賽力斯股價也升左10幾倍.今次華為搞機器人,若成功,成功機會好大,因華為有全國最強的科技實力,華為出技術,優必選負責生產,同一模式,問題是重力斯股價可以升十幾倍並入A股藍籌指數股,優必選能嗎？唔升十幾倍,升個2至3倍總可以吧.要好好留意9880,有機會大跌時就可買入.若持續上升唔肯跌唔俾人跟車,就視乎個人對機器人前景的看法,畢竟優必選還是一間冇錢賺唔派息的企業,雖然算是機器人頭部企業,但競爭對手衆多,幸好被華為看上,令人更安心,買優必選其實是在買没上市的華為機器人.

 淨流入最多的只得883中海油,比亞迪電子,每隻淨流入1.1至1.2億元,第三隻是信達生物,淨流入4千8百萬,其他盈富,恆生中國企業,ATMJX全部淨流出,升左8日,北水開始食胡,話哂恒指連升8日,食吓胡都要,但不代表個市之後不會繼續大升.

 本地公司私有化失敗例子相當多,大股東揸幾多貨都冇用,因冇投票權,只能靠小股東的意向定成敗,若小股東中有基金揸住5%或更多,覺得個私有化價唔靚投反對票,就凍過水.一人有一個夢想的金利來,都私有化唔到,今日股價曾跌4成,收市都大跌33%.來緊好似有隻迪生113都搞緊私有化,現價同私有化價重有一段距離,似乎對能否成功私有化有懷疑,會否步金利來後塵則不得而知,我從沒買賣過迪生,祝有貨者好運,順利私有化.

踏空者個倉冇物貸或只得蟹貨者見個市大升肯定唔好受,慘過輸錢.明天大概率恒指又會大升,冇貨想追貨又怕高追,見人家天天數錢又不甘心,最理想一定是成個倉都是賺緊錢的貨,個市升先至估幾時到頂,止賺位越推越高,功力更高者,完全唔理升幾多,由得佢升,不手多沽貨,一段日子後,就會發覺股價又高左好多,財富又多左.想快樂去生活或拼命去生存都是一線之差.順便一提恒指8天升左1600點,4月7日大跌市至今升左4000點,那些自我安慰甚麼跌市我有錢但又唔買貸,平d才買,甚至沽貨的人,是否唔知股市的遊戲規則同運作.

 美國果然跪低,全部過往増收的24%關稅包括中國和香港暫緩90天,全部只收公價10%,加埋一早已有的20%芬太尼,即是去番基本的30%,之後再慢慢倾,而中方也相應只收美方10%關稅,實質都是收中方20%,同以前一樣,唔排除傾傾下重會減,港股就立馬急升7百幾點.中國一向堅持打,就奉陪到底,談就大門敞開.越來越相信侵侵是中俄的朋友,同路人,做場大龍鳳來自己揾水,是潛伏在美國多年的asset, 哈哈.

77比0, 完全冇得打,三哥用的是向以色列買的王牌無人機,呢款自誇世上最強對付冇防空力量的哈馬斯,敘利亞,黎巴嫩,可以打橫行,鐘意炸邊度就炸邊度,從不失手.但俾3哥用來對付巴基物坦,77架全部在鏡頭前被寂靜狩猎者摧毀,幾億美金就冇左,唔知3哥找哂尾數未,若未找,一定唔找數.或者以色列稍後會學法國一樣,話3哥唔識用,會暫時停止供應,唔係我d裝備唔得.但潛在買家會信嗎？就連俄羅斯製造的S400導彈防禦系統,每套15億美金,3哥買左5套,用緊3套,2套未付運,其中一套就俾中國梟龍戰機加霹靂15飛彈摧毁左.如此戰果,3哥只能講要和平共處.同樣央央大國美帝都已同小國也門胡塞武裝和解,不再互相攻擊,避免又出醜,相信侵侵距離拿諾具爾和平獎又進一步.有先進又實用的軍備防身才能長久和平,不會引發戰爭,惡人打不過你才會同你講和平,你物武器都冇,淨係講愛與和平,一定俾人打到豬頭喇叭咀.

年頭1.2至1.3任人買沒買,升左20%後開始後悔,但都係唔敢買,跟住股價一放絕塵,車尾燈都睇唔到,手揸9億現金,自建商業大樓市值5至6億,揸住d股票包括布鲁可5%,市值5億至7億.20億淨資產,冇負債,而家升到癫,市值都係12億幾,個幾時市值得幾億,當時唔買已是走哂寶,就算現價追入都唔貴,去年業績不是太過標青,只賺億零,尚算可以,但竟大發善心,増派特别息,連未期息共派0.35元,重未除浄.現價創多年新高,股價都係2個6左右,息率13%.後來我終於學會了如何去愛,可惜你早已遠去,消失在股海,後來終於在眼淚中明白,有些股一旦錯過就不再.

 印度被巴基物坦打鑊甘,不得不停戰求和,而巴方也見好就收,再加上中方勤佢大局為重,直播帶貨效果好好,大把國家搶住來買中國的武器系統,中國做都做唔切,快被淘汰的歼10四代機,成飛都不再生產,加上一年最多做30架以下,已轉交貴航飛負責量產,自己則生産六代機歼36.本以為今天成飛已升完,點知一早就升20%,跟住回落但都升18%,H股軍工股2357,317都是先跌後升.上星期五趁中航科工大跌,入番多少擺吓,今朝見有12%執,食左先算,等佢下一次回調再買過.1766中國中車升得慢,得幾個巴仙盈利,繼續揸,揸到收埋未期息都重得,5蚊根本不是目標,升多d至會考慮沽出.

 經過數天會談,終於傾掂數.有關詳情最快今天12號公佈,相信侵侵只係得把口話強硬,但實質已跪低,答應哂中方所有要求,主理經濟的副總理何立峰會後講話有玄機,說中美雙方有共同利益,過去有衝突只是欠溝通而在所難免,如今最緊要是整大件蛋糕,大家可挖深d食多d.莫非中美已準備聯手收割全世界,加埋俄羅斯,3個大國分哂全世界件大蛋糕？點都好,今日中港股市肯定升到澎澎聲,夜晚美股唔駛侵侵出帖叫人快d買股票,佢一早已同好友親朋買定向上,等美股大升出貨收錢.現今世界,1個國家夠唔夠强,全憑自身軍事實力加埋經濟實力,印巴最近的現代化空戰,已令全世界意識到中國在軍事上的恐佈,實力唔係夠靠吹靠抺黑對手而取得的,一經實戰,全部現型,三哥以為買齊天下第一武器,攞你命3千就掂,一開打,就輸6比零,戰機升空冇耐都沒過半場,就變作廢鐵,死左都唔知點死,事後重要俾巴鐵寸其實已鎖定15架戰機,戰果可以係15比零,不過唔想去到甘盡,贏住6球就算,之後印方不服,派出77架各地制的昂貴無人機進入巴方境内,結果又俾人現場直播,俾中國的激光武器好似打遊戲機般,全部被擊落,冇巨大爆炸聲,只係俾一點光射中就消失,細個睇Top Gun被洗腦,以為空戰係靠湯告魯士甘靚仔加埋技術優良,戰機性能卓越至會贏,現在才知全不是那件事.

 此股23,24年連續2年派息比率都超過100%,賺1蚊就派夠1蚊以上给大小股東.做甚麼生意咁好揾,不是做音響,而是做含中藥成份的喉片,佔左收入的9成,其餘甚麼喉寶等喉糖則佔1成.24年賣左1.45億盒喉片,每盒7.5元,全年所有產品營收11億幾,盈利3億幾,營收較23年増23.22%,但盈利反較23年下降,原因是廣告推廣開支大増至3.65億元,佔全年營收的30%,相信是發現喉片銷量已到頂,要加大廣告推廣才能推高銷量,若唔駛賣廣告都有固定銷量,此股會賺到死,絕對是暴利股,畢竟喉片有太多對手,此股過往一向都是靠廣告打出名堂,10年曾搵朗拿度等巴西球星做廣告代言人.此股在2015年在港上市,上市價4.8元,家族生意,主席是個身軀龐大的大媽,沒有眨意,股價之後曾升到10蚊樓市,市值接近百億.跟住就大幅回調,曾在21年尾提出以2.8元私有化,但失敗收場.22年開始做好事,大増派息,22年每股派36仙,23年派夠60仙,24年因盈利下跌,都把盈利盡派,派50仙,5月中才除浄,3月頭股價都係3個2毫幾,上星期五股價下跌1%,4個7毫幾,股價升左4成以上.現價息率10.5%.手持現金11億,有息負債4.7億,現在才買入收5毫子息,無疑是失哂先機,若已揸左3年,價連息都應該升左3倍,若她是國企,現價買都唔怕.但她是家族式民企,重要寄望未來喉片銷量能保持,更重要是能否保持100%以上派息比率.可能是我過度謹慎太多野懷疑,若業務同作風冇重大改變,都係一隻超高息的的冷門醫藥消費股.

 巴基斯坦軍方剛剛又大鑼大鼓向外宣稱使用中國製的JF17梟龍戰機,摧毀了印度一個價值15億美元的Sー400導彈防禦系統.梟龍同歼10C都是中航成飛的產品,只属第四代戰機,中國現已成功研制了第六代戰機並已服役.而最新消息是成都航空已不再生產歼10系列,已把量產任務交给中航貴州航空,成飛則專注更先進的戰機如歼15,16,歼20等,配備在中國航母上都是歼20.巴方雖有一批老舊又昂貴的美制F16戰機,但講明不能在和印度的戰爭中使用,等同廢鐵,於是軍事全面中國化,清一色中國系統,中國制的導彈,雷達系統,空中預警機,中國戰機,坦克,榴彈炮等等.反觀印度大酒金錢,買入各種唔同國家的所謂先進武器,空軍以天價買入法國的陣風戰機,又買俄國的米格29,蘇30,又有以色列大量的無人機,導彈系統又是邊個貴就以為係好野,完全不協調.印巴今次軍事沖突,空軍大勝,完全係免費為中國軍工武器直播帶貨,辦多幾次珠海航空展效果都唔夠實戰結果好,全世界一向都是輕視中國軍事實力,以為起碼落後西方20年以上,就像deepseek橫空出世般,震動全球.現代戰爭已是鬥科技,電子戰尤為重要,干擾對方,鎖定目標,幾貴幾先進的戰機都難逃被摧毁的下場.

 此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.

 四川省在港的上市公司真係好勁,我指在股價上,是但掟飛標掟中邊隻就買邊隻都贏到笑,買哂甘多隻重肥,實冇走鶏.快將來港上市的賽力士,新晉A股大藍籌,又係四川的,專制造華為的問界新能源車,華為負責設計,提供不斷更新的技術和軟件,賽力士就負責生產,盈利十分之高,股價在A股己升到傻,早前更被納入做A股指數權重股.來港上市又可圈大堆錢.A股大藍籌已排定隊來港以H股上市,圈錢集資額都好大,打頭砲會是寧德時代,重有隻在内地好受歡迎,盈利年年大増,股價不停上升的東鵬飲料,被稱為中國的可口可樂,主打多種唔同種類的飲料,香港部份店鋪都有東鵬的產品賣,但相信現時冇物人會買.但若在港上市廣為人知後,情況就會不同.就如美團一踏足香港,好快就成為香港外賣的老大,蜜雪冰城賣9蚊杯凍檸茶,5蚊杯雪糕都做得住,因為平,生意重好好,叫其他香港的小型茶飲店如何能招架.今年大量内地企業搶住來港上市,388算升得少,每天持續上升,升少少就夠.

 前者不停創多年新高,後者就不停創半年新高,2間都是新能源裝備製造商,特别是在抽水蓄能發電站方面,壟斷了市場,定單3年都做唔完.1133規模較細,較專注抽水蓄能,而1072身為國之重器,甚麼東西都要研發,業務較為分散,一大堆子公司,孫公司,氫能,海水制氫,核電裝備,蓄能,甚至核聚變都會做,而且是居領導地位,將之轉化成大量盈利只是時間問題,更具可塑性,成長性.中央今年已批了新起十個核電站,當中的設備,東方電氣同哈電都是主要供應者.技術和設備成為世界最頂級,加上售價便宜,具性價比,大量出口到其他國家已成趨勢.中國的電企不停在外國起發電廠,增加盈利,無論是火電或新能源,先進國家或發展中國家,都有中國電企份,連工包料,幫你起埋,之後在電費中抽取分紅.日本,烏克蘭,中東油國,東盟諸國,甚至相對貧窮的非洲國家都有中資的身影

 317是造船的,属中國船舶集團,不是打正旗號做軍工,但十幾年前重叫廣船時,已傳她專做潛水艇.因基數低,去年及今年首季的盈利均增加10倍以上,因此容易俾北水大幅炒高,但升得快升得急時,回調時也很快,若走得慢,盈利會唔見一大截.而中航科工就擺明是軍工集團,專做飛機,特别是直昇機,旗下有幾間直昇機公司在A股上市,長期有盈利.2357在高位5蚊樓上回落到3個幾,跟住就回穩,呢2日借國内大炒軍工股而升左近2成,而其他一個外資股東空中巴士1個月前話會盡沽中航科工H股,唔知沽完未,若真係沽哂,2357有排升.他日若低空經濟成熟,離不開直升機類的無人機或載人直升機飛行器,軍轉民用,大有錢途.至於軍用的直幾直物直升機,更是出哂名的平靚正產品.我都開如留意2357,看吓有冇機會在低位介入.

 北水已連續2天浄流出港股,今天淨流出20幾億,已較昨天大幅減少.今天頭十大成交中,得一隻939淨買入8億,其餘只有美團,赤峰黃金少量淨流入,其他熱門股非收息類全部淨流出,央國企中特估之類的高息股始終是北水長坐的股份類別.

 https://na.cx/i/r9CdHro.jpg

 巴鐵國防部昨天開記招聲稱只用了中國制的歼10C戰機並配上中國先進的雷達系统,就擊落印度的6架先進入口戰機,歼10也一戰成名,歼10的生產商中航成飛自然會被追捧,連續2天,每日升20%漲停.市值升到近2仟億,市盈率高到離晒譜.今年公佈的首季季績,營收只有30幾億,盈利得1.65億,可推斷歼10一定唔會賣得貴,打出名堂後,可加價出售,中東諸國肯定會買,用來看門口.若定單大增,中航成飛的盈利會暴升,但現價確實太貴,可以講係升過籠.呢d國防軍工央企,除左能賺錢,更身負國家任務,要不斷硏發更先進武器,國家在資源上一定會給予無窮支持,無論是人才,最先進零部件,原材料,要物有物.

 巴基斯坦用的全是中式軍備,戰機,導彈系統無一不是.剛發生的軍事衝突,巴方竟佔盡上風,大出意料之外,打到印方節節敗退,國產戰機已擊落5架印度戰機,包括3架法國制陣風戰機,俄製米格和蘇30戰機,中國正好利用印巴交戰,測試平靚正但又不是頂級的國產軍備是否好使好用,若打出名堂,又可增加在全球軍火市場的份額.就連被人笑冇鞋着,外號拖鞋軍的胡塞武裝,都可以擊落美國曾引以為傲的MQ9死神無人機共23架,每架成本3200萬美元,美國用左成年時間,多番空襲也門,也毫無作用,換作是十幾二十年前,唔駛2星期,也門已被滅國.美國軍方把失敗歸咎於胡塞用左伊朗使用的中國軍事衛星系統,才會損失慘重,是否老屈不得而知,但美國軍事優勢已大不如前己是事實,難怪侵侵今年準備大增軍費至歷史新高1.1萬億美元,但錢從何來,所以侵侵連小朋友都唔放過,説聖誕禮物,買2個芭比玩就夠,沒必要浪費金錢買30個公仔,留番d錢俾國家做多d飛機大砲戰艦讓美國再次偉大.最新消息是美國在阿曼做中間人,與也門胡塞講和,停止再在红海互相攻擊.今早A股的央企軍工股大升.香港上市的軍工股H股只有317中船防務,今早都升左12%.4月7日大跌市一度被沽到7蚊附近,现在就在11蚊左近.另一隻中航科工2357都算軍工股,升幅就較少.

 吳清話股市關乎億萬人的福祉,關乎國家的強盛與否,一定會令中國股市穩中有進.而中國更擁有全球最強大,最具效率的類平準基金國家隊资金,由中央匯金做前鋒,衝鋒陷陣,背後則有央行無限子彈供應.中央匯金除了買了大量指數ETF外,更持有大量内銀兼是大股東,會任由4大内銀下跌嗎？一定唔會.間中短時間下跌就會,但長期向上就一定會.

 過去一個月,港交所已升了2成幾3成,是毎日升少少格局,這樣才是大牛股的格局,是明牌講明是一定會升的股份,不宜短炒,賺幾個巴仙就走,低位買左的,坐耐少少,會贏更多更多.

 潘功勝代表央行,繼續降準降息,李雲澤代表金融管理總局,穩定金融市場,吳清就代表中證監,帶出的信息更重要,一定要令股市上升,大量措施可用,也是國家意志.中股市有福了.

 上午已升50%,下午返來曾升過200%,重係大成交5億以上,北水真係當港股通係金礦,冇漲停跌停機制,單日升幾多都得,同樣跌9成一樣得.其餘北水熱炒股就算升都算合情合理,國際金價大升3%,赤峯黃金升10%都唔算過份,稀土股A股今日普升,金力永磁6680升1成都合理,起碼唔係1日升哂,而係大漲小回,肯俾人跟車食下胡.另一隻逢大跌例必強力反彈的是553南京熊貓,有腦接機業務的國企,今日一度升4成幾以上,現在都升30%,升就唔好高追,大跌就唔怕買,隨時有意外驚喜.

 李家超話已責成港交所和證監會加強溝通合作,盡量方便内地特專科技和生物科技公司來港上市以取得融資發展業務,會成立專線加快與内地公司溝通,港交所和證監會今天稍後公佈有關措施.388港交所想窮都難,大把IPO,每天升10蚊8蚊,好快又會上番400蚊樓上.

 之前因虧損而在A股被加上ST標號,意思是若盈利在未來一段日子沒改善,就會有被退市風險,也因此被剔出港股通,直至上星期,深交所剔除此股ST標號,並將在今天重新納入港股通,可能有春江鴨或醒目的投資者,一早入定貨等爆升,此股過去3個交易日已升了1倍,今天重入港股通,股價曾狂升58%,現在都升4成幾,北水癲起上來有時會好恐怖,皆因有太多内地傻散參與其中.上星期提及重慶機電2722有可能會大升,只要股價升多1倍,由1蚊升到2蚊,就達到入港股通門檻,雖然有點異想天開,但2722今早在競價時段已有大手成交,股價也升左1成,開市後升幅持續在1成附近,算是一個好的開始,繼續坐定定看此股如何操作到股價去到2蚊,貨就唔加啦,以免被人收割.反而1072東方電氣升得令人更舒服,慢慢持續上升,升左都唔多覺,若在9個幾才高位買入,現在都有近2成收益,若升勢沒完,收益會更進一步.

 長達5小時的股東大會,盡數心中情,最意外是宣佈年底退休,委任新繼任人,講枱前仍擺着2枝樽裝可樂,活到94歲仍無可樂不歡,莫非可樂是長壽神藥,但全世界的醫生都不會認同.巴老覺得利用貿易作為經濟武器發動經濟戰爭是大錯特錯,這樣做會得罪75億人,75億人都唔鐘意你,你只有3億人却自誇如何成功如何偉大.貿易應該是雙向的,别的國家透過貿易而令國家更加昌盛,同樣美國也會因此而得益,也會變得昌盛.美國立國250年從一無所有到現在成為超級大國已經贏左,祖先都是靠勤力種棉花和茶葉,進行國際貿易才慢慢變得強大,現在不能走回頭路,把貿易當作武器使用.侵侵早前曾講大話,話巴菲特十分支持和讚同他的經濟政策,今次無疑是公開表態對侵侵發動的貿易戰表示不認同.

 巴菲特對美國政府的財赤問題感到十分害怕,但這種問題並非美國獨有,並認為政府的收入和支出的逆差問題從來沒有得到解决過,這種情況是不可以長久持續下去,但自己無意為美國的財赤承擔解决的責任,但覺得兩會議員並沒有努力解决問題.他表示持有的五大商會股份,即日特估,十年内都不會沽出,他的繼任人格雷更說會揸足50年.說白了,就是在超低位買左呢5隻日特估,跟住長年收高股息.巴郡現時手持3千幾億美金,但他表示不會輕易買入境外股票,留住一大堆現金俾繼任人運用,巴菲特雖退下來,但仍任公司顧問,睇住公司,相信繼任人都不會胡亂做高風險投資.

 Buy now pay later是一種免審查入息類似信用卡的消費模式,額度不大,用來叫外賣,去超市買日用品等低消費,一般分3期還,可拖長至一年還,只要準時還款,就不會收任何費用,如何賺錢,總有些人會唔夠錢而逾期還款,就會被收昂利息,一般打工仔唔想碌爆卡已碌爆左卡,搞到生活都成問題,BNPL就幫到手,等出糧先至還,跟住就無限輪迴循環先使左再還,用時間換財政轉好的空間,若長期如此操作,收入又冇増加,爆煲是早晚的事.香港都有BNPL,只是少人用,香港窮到冇飯開的偽中產甚少,只要有份工,就算是在職貧窮,只拿最低工資,都唔駛用呢種方法去保命.

 此股過去六個交易日由0.82元升到今天1蚊收市,而之前由7毫子起步,幾天内升到1.47元,之後回落,因好消息已落地包括去年盈利大増近5成,又有重組計劃,太多獲利貨要消化,股價跌到0.82元已跌唔落掉頭回升.回升原因是重組已在月尾正式完成,重慶國資委把4成幾股份全數無償給旗下公司渝富投資,令渝富成為重慶機最大股東,持股80%,最終實控人仍是重慶國資委,而渝富又以非公開形式向2722注入50億元,已發行股本由20億增至近37億,H股2722收市1蚊,市值11億,其餘26億為沒在A股上市的内資股,擺明要做大做強重慶機電,去年已賺4.5億元,若今年盈利來個翻倍,真係會升到唔信,現價還是單位數市盈率,0.43PB,股價升1倍,由1蚊升到2蚊,PE都係十幾倍,PB1倍都唔夠,更重要是若升到2蚊,H股市值加内資股總市值就接近50億,可入港股通,若今年盈利真的大幅增加,升到2蚊都是低估值.此股我有貨,已是負成本持貨,今後就永遠唔駛本白收股息,最可惜是在8毫幾沒有再大幅加倉.且看今次樂觀的推測要多久才能實現,就算估錯,相信股價都不會表現太差.

 為了Maga,老尾需要制造業回歸,更需要有學問的人去完成,入工廠練綱鐵,入車間造車,打螺絲,不要以為讀左幾年商科,就可以在金融市場賺大錢,事實係成功的只有少數,失敗的佔大多數,讀得書多的輸得重慘,可否記得諾貝爾經濟學獎得主創立的長期資本,靠一般常人唔曉的理論,數據,拿住投資者的真金白銀去投資,搞到破產收場,並引發老尾的金融風暴.侵侵的關稅政策都係出自經濟顧問納瓦俄之手,一個哈佛大學經濟學博士,但全冇實戰經驗,都係靠大膽假設得出的結論,難得侵侵信佢個套,結果搞出個大頭佛,唔知點收科.但侵侵為選票好,或是真心為老尾好,始終堅信尾國一定要有自己的製造業,但已驅離左大量唔怕挨苦的低薪非法勞工,冇人去工廠搬磚,打螺絲,唯有叫個個想做華爾街狼人的大學生,落廠做牛馬,但會有多少年青人會聽佢講？

 每次升穿20蚊就回,但又跌唔穿19蚊,要跌到17個幾18蚊就要等大跌市如恒指一日跌3千點,所有藍籌都要大跌的日子再度發生,5毫子人仔股息不能算高,好過冇,趁跌買些,好快有胡食,但唔會賺得多.今次升穿20蚊若企得住,可能還有大升空間.若睇唔通,再升多d就沽左佢,博佢跌番多d再買回,若事與願違,唔肯跌重要升的話,都冇壞,就當賺少左.

另一茶飲股沪上阿姨定必又被炒爆,全國第四大茶飲集團,蜜雪冰城已升到癲哂,只可惜呢位姨姨一手得30股,3千幾蚊就搞掂,若好好彩抽到1手俾你升夠1倍都係執3千幾,若只升幾十個巴仙就只執一千幾百,一手銀碼太細影響值博率,但都要例飛做一手黨.

 呢一招在去年用過,百發百中,今年食過翻尋味,不需動用太多資金,十萬八萬就得,純短炒,執2%或以上就走,以有排都重沒除淨的央國企為主,每次執千幾2仟或更多,密食當三番,一隻接一隻,至於長期持有的長倉唔會郁,由得佢keep住收股息,前日趁836下跌,入左2手836,由於已有好多836在手,高位増持都係想短線獲利,若不幸短期走唔甩,就留低收埋0.691元未期息,今早高開,計哂所有使費,有2%執,馬上沽出,叫做5月開門紅,攞個頭彩.跟手買番隻本身冇貨的1766中國中車,點解買佢,現價太安全,今朝還要唔識升甚至微跌,話駛早排已出盈喜,前晚出左正式第一季業績,在傳統的淡季第一季,盈利大升202%,去到30億人仔,未期息0.21元人仔8月才派,何時除淨尚沒公佈,一年高位6.1,現在4.8元唔夠,真係唔怕再大跌.1919中遠海控首季盈利増7成幾,股價都升6%,還要怕第二季盈利會因關稅而大跌,相反1766,全球高鐵項目龍頭,需求有增冇減,越南已决定起高鐵,中車一定係主要供應商.