繼續9成倉位持有中特估
恒指大跌4千點,反彈1千點,大量息低的成長股距離高位已有一大段距離,若高追又走唔切的人又會被套一段日子,相反高息中特估,跌幅從高位計根本不多,有相當部份股價比恒指24000點時還要高,完全跑贏大市,肯在跌市有低位俾你買你又敢買,99%短線有錢贏,可能賺得唔夠多,好多人看不上眼,寧願去高追勝算不高又有大量蟹貨等待鬆綁的成長股.持有高息中特估的好處就是穩定性強,息高,雖升得慢但大市升佢都會升,大市大跌佢唔一定會跌,跌都係跌少少,完全唔駛理個市.呢批中特估未來1至2個月就會除淨,除淨後個價又會低左,好多人錯覺股價又跌左,都唔識升,又是賺息蝕價的廢老股,買左都唔會發達.這就大錯特錯,股價會隨時間填權升番上去,只是時間長短的分別,勁的股或在風口上的,唔駛幾天就填番權,股價上番除淨前,你幾厘或十幾厘的股息回報已變成現金入袋,你可以再將股息買落去,或是吃喝玩樂使左佢,用來維持未來一年的生存成本都可以,每個人都有唔同的處境,最理想一定係將股息等低位複投,令日後的被動收入更多.大前提係幫緊你每日生蛋的母雞數目不變,即幫你搵錢的持股數量不變,環境允許的話就將生的蛋變現多幾隻母雞番來,生更多的蛋,生生不息.如此操作,由最初養幾隻雞的散戶隨時會變成開養雞場的大戶.
十分同意大師的養雞致富分享。
回覆刪除今個浪自己將資金重新歸隊回883，941，836和939上。
因應中美近況，今次會長期持有至中方勝利。
我自己沒有之前賣樓後改投股市的朋友那麼有信心和膽色，今個浪他只重注買入836作長期收息。