華潤新能源成為深交所今年首單lPO

 華潤電力836子公司華潤新能源已通過深交所審核,成為今年首隻獲準在深交所上市的A股.今年頭九個月業績好到嚇死人,做左170億生意,盈利63.5億,新能源發電不需要煤炭,靠風,水,光伏,盈利會好可觀,上市初步集資245億,估值平到冇朋友,相信上市後市值又會升上千幾2仟億,上市圈的錢加上早前836發新股集資的72億,主要都是母公司華潤集團認購,就有近千億資金,夠哂未來3年狂起更多新能源裝機,1間變2間,2間變4間,越早起完,越早有更多盈利,越早達致碳達峰.如今836市值不足千億,火電只帶來每年幾十億盈利,7成盈利來自新能源,分拆新能源業務在A股上市,對836股價是利好或利淡要待觀察先知,我偏向是利好的,主要是我持有此股,重係在好低位買入,做左數唔到次數的T,收左好多股息,股價升跌都冇感覺,只會長久持有.平情而論,母公司願意以19個6認購836,今日836股價都未返到配股價,上次配股已令負債率大為減少,短期大升或大跌都不會出現,子公司上左市,有左大舊錢在手,唔駛借甘多錢去開拓版圖,錢就天天源源不絕甘收,大有能力年年加派股息,電力需求尤其是潔淨新能源遠遠未過剩,836會坐响度年年收錢,好大可能又會成為另一隻類似941持續派高息但股價只會慢慢升的公司.