天天都有新技術突破消息曝光,只是股價不動如山

 我講緊的是1072東方電氣,股價不論是A股或H股,都是橫行格局,不會大升,跌又跌唔落,但身為國之重器的1072,每隔3至5天就有新技術新產品投入實體項目中,全是世界最大,世界頂尖,甚麼大功率渦輪,海水製氫,氫電池甚至核聚變,各方面都有佢份.定單多到做唔哂,盈利穩定増長,就是股價唔大升.不缺錢的1072,硬是要以17蚊人仔樓上,増發50億元A股份給指定投資者,拖足2年,一再延期,但A股股價長期在14尾至15蚊橫行,磨走不少老散.今天A股東方電氣似乎有異動,上升近4%,若升多幾次4%,股價就會升到増發新股的價,加上幾日後會公佈業績,炒定先,不排除又是一天貨仔,升勢無以為繼,當然也有可能今次是來真的,社保,養老基金買夠貨,把股價推上17蚊樓上,増發股份配給社保等特定投資者,之後股價長期向上.這只是良好意願的猜測而已,因我在低位埋伏了好一段時間,等佢大爆升,只是她升得太少太慢,如今只能靜待佳音,看吓自已有冇估錯.