旭日企業393増派未期息

 去年大部份時間393的股價都在1蚊樓下,8毫幾9毫甘上下,幾十倍PE,發行左15億股,當佢1蚊股計,市值15億,一年賺得個3,4千萬,理論上要成40幾年時間先至翻到本.但呢間公司於内銀股最低位時大舉投資4隻藍籌,,股,中行,工行,加埋中銀香港,買左12億多元,現在市值都19億幾,每年重袋左億幾元股息,去年年頭到年中,又買多幾億元建行同工行短炒,中期息都唔收就割禾青,賺幾十個巴仙就閃.因此開始有人開始當佢係内銀股來炒,股價在冇物成交下,和大股東日日回購下,股價升到1.3元,創新高位是1.31元,今天收1.3元.晚上出左業績,如盈喜般盈利増加4成,但全年都係得6千1百萬,市值已接近20億,市盈率略降,但都在30倍以上,但這不是重點,派幾多息才重要,今次未期息増派至58仙,連埋已派左的中期息40仙,每股一共派98仙,較23年上升4成,賺得個6仟1百萬,但派息派左近1億5千萬,派息比率高達2百幾巴仙,這情況相信會持續,本業甚麼裝修設件,開實體加盟店賣服裝同出口,根本無物錢賺,唔使蝕已當贏,最賺錢都是金融投資,份年報十分簡單,只講重點,手上現金有29億,零負債,冇借銀行錢,金融投資組合帳面賺大錢,賺緊13億,一天未賣都唔當盈利,佢只是集中持有中行,建行,工行,重有源源不絕的股息作現金流,只要不胡亂投資,手持現金只會越來越多,今日收市創新高價都有7.5厘息.只希望股價不要升太多,等一班在7毫幾8毫子買左貨的人,笑住收多幾年息,若股價再大升,我都會先走為敬.