東方海外316派息慷慨

 全年盈利28.5億美元,増長88%,中期息已派左0.63美元,今次派未期息1.32美元,全年每股派1.95美元.約全年每股派15個幾港元,發行股數6.6億股,全年賺200億,派息比率5成,派100億俾小股東,最大股東1919中遠海控,收息收到傻.今天316收市價112.8元,之前中期息4個幾已落袋,未期息又會收多10個幾,除淨後股價還有100元以上,就算在中期息除淨前,當以100蚊才追入,股價尚有微利,但收左15厘息,若揸左316幾年,一早靠收股息都收到負成本,d中外磚家成日話航運股是周期股,好危險,不能用來收息,今年唔蝕明年蝕,明年唔蝕後年蝕,總有一年會蝕.總之地球就好危險,不能買.因此航運股長期估值都被低估,股價跌到幾平都冇人買,反而長揸個批,笑到合不攏嘴,無論316每年賺幾多都會攞一半出來分,23年賺少左好多,重加派特別息醒下小股東,一年業績冇甘好,磚家就講到未來好多年都會進入衰退周期,搞到股價下跌,製造機會俾人執平貨.