超冷門股196宏華集團可能會是一隻倍升股

 此股是國企股,2年幾前被國資委強行無償地送俾東方電氣1072,長年虧損,23年已勁蝕4億幾元,股價一度淪為仙股,之後股價慢慢爬升番上毫子股,2個月前,出左個假盈警通告,話24年會持續虧損,但虧損幅度會大減8成,跟住股價在2個月内升左3成幾,今晚出左業績,24年竟然轉虧為盈,賺左7百萬,不派息.此股從年内低位已升左1倍,今次業績中有溫馨提示彩蛋,在25年1月份,收到一早被列入壞賬的烏克蘭客戶手中收回等值8千幾萬人仔的美金款項,是否陸續有來不得而知,但本業是賺錢的,專門在地面掘井鑽礦,深海重型機械鑽探,開採石岩油之類等,在國内基本冇競爭對手,海外業務都有,如英國,伊拉克,烏克蘭等等.今年已有8千幾萬收入打底,若本業持續有大量盈利,再加上可能會收番多d已計提的壞賬返來,隨時又會年賺幾個億,市值得個十零億,發吓夢再升多1至2倍都有可能.但此股成交都唔慌會多,好難買到較多的貨.