再談雲頂新耀1952

 總算找到雲頂新耀今天大升的原因,原來又關AI事,今早管理層直播與投資者的電話會議,醫學技術我完全唔識,只知1952在研發新藥上因加入左自已研發的人工智能平台,令算力大増同更加快,花在甚麼基因排列,臨床測試的時間較以往快了6倍,會令研發的藥物更快成功完成,是否如此,我真係唔知,但市場資金相信了,甘就大升.另外雲頂新耀是隻B仔股,即是18A公司,港交所指定的特別公司,在上市前3年都沒有盈利,上市後可能永遠都冇錢賺的生物科技公司,因此在股票編號後加個B以資識别.此股今日收60.6元,也破左一項記綠和替其他B仔股打左支強心針,就是目前第一隻B仔股收市價仍高於IPO價,此股在2020年上市,上市價55元,6名基石投資者都是巨頭,Blackrock貝萊德,淡馬錫,高領資本,他們當然是以極低價入股,上市頭半年未解禁,股價自不然會上升,但一到解禁期,就會趁高沽出獲利,同其他B仔股一樣,股價上市不久就江河日下,跌到2023年9月的6蚊,跌左近9成才止跌,我當然冇甘叻在6蚊撈到底,都係升左好多才入手.若甘神,唔駛2年時間,6蚊買,可以升到60蚊,升左10倍都唔走的人先至係狠人,抵佢地發大財.