守株待兔等長安民生物流1292爆升

 第一注買入1292是在1.9買入的,當時純貪佢市值低又高息.但此股長期成交稀疏,買入價和沽出便相差十格八格是常態,想一次性買多些都好難,之後買多2次,最貴嗰次2個2毫幾,但都買唔到好多,於是放棄,不再花心機擺埋一邊唔理,但股價表現幾好,一年最高位2.93,約在幾個星期前出現,之後成交越來越少,全日冇成交下上升或下跌幾個巴仙都試過.此股早前出過通告話大股東會變更,此蚊型由三間國企共同持用,長安汽車是大股東,長安是中國兵器集團子公司,軍方背景大央企,呢間1292升左甘多市值都係得4億幾,H股市值3億幾,内資股1億都唔夠,因此最近申請増發4千萬股内資股獲批,之後長安汽車會是最大股東,而長安汽車與東風汽車合併是早晚的事,未合拼前,單靠幫長安汽車做物流,一年都賺7千萬左右,若合併後,多埋東風汽車的生意,盈利會暴増,況且1292已在泰國和當地政府合組大型物流公司,負責國產電動車的運輸,生意同盈利會越來越多.現在只能坐响度看住1292乾升,靜待好消息落地,股價大升就獲利離場.搵過第二隻兔仔.