1860匯量科技令我如痴如醉

1860一開市就大成交升近25%, 我當然馬上鬥快走,幸好不貪心冇set沽出價,交給運氣隨市價决定,沽出價都有近20%利潤,沽左當然望佢大跌,又可低位買番,但似乎跌唔落,重升緊十幾個巴仙,北水傻散人多錢又多,真傻可能是如我這般唔敢大大注買入的人,但我已十分滿足同感恩,幸福不是必然的,不能貪勝不知輸,遇着長期有波幅有升幅的好股,堅持不高追,跌才増持,適時獲利,在暫時是對的事情上不斷重覆做,不需要訓身,收獲會超乎想像.類似的北水鐘愛的AI應用股一大堆,都是波幅可觀,跌完好快又大升,有些甚至冇物跌過,這堆股份幾個月前已提過,包括第四範式,速騰聚創,康耐特光學,醫渡科技等等,個遊戲幾時完我唔知,可能只是元年剛開始都話唔埋.其實重有堆同機器人產業鏈有關的公司已升左好多,只是升得冇甘揚而已.