大A已升上3仟4百點,港股也不會太差
我重倉的四大天王央企,今天一起上升,連同眾内銀内險,已成穩住恆生指數的壓艙石,只要這批權重中特估長期保持強勢,港股大幅下跌機會不大.A股由2仟6百點升到3400點,短時間內已升左3成,港股相對落後,跑輸A股.有在香港上市的高息中特估,仍是大量内地資金長擺的避風港和儲水池,投資高息中特估是穩贏和最安全的選項,但不會短期令你暴富.
有華潤冇窮人
在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
留言
發佈留言