匯量科技1860升到飛天
感謝1860,今早升左5%才追入,依舊唔敢大注,執十幾個巴仙就走,走左再大升都冇計,我都係跟勢炒,飲婉靚湯而已,世上冇只升不跌的股,此股始終有天會大幅回調,現在可能還是在蜜月期,不斷喪升.北方同胞已開始豪情壯言,揚言此股必上12蚊,可能是贏得太多和太容易,更大可能是一個大坑,等後來者入坑,贏錢歸贏錢,升得太急都係要小心,若日後真的升上10蚊樓上,只能怪自已認知不足和唔夠膽大.
有華潤冇窮人
在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
留言
發佈留言