北水今天狂買盈富基金
昨天北水已開始買盈富,但只買左幾億元,今早曾升3百幾點,北水都冇沽出,反而加倉買左近59億元2800,盈富今日成交額近120億,換言之今天的盈富基金幾乎全是北水買的,看來明恒指都係大升居多,希望北水唔好執幾個巴仙就閃,若北水能揸盈富耐d或者繼續買入2800,港股可能會有所突破.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
883剛公佈探獲新氣田，令前景更加亮麗。
回覆刪除這些消息已接近麻木了,最好的消息是北水持續淨流入買883,持股量已超過20%,越跌越買,不少人已交出籌碼,止賺或止蝕沽出883,待今個月尾出業績後,若業绩如預期般好,到時又會話883超抵買.看北水資金流向其實好易判斷其所持股份短期上升或下跌趨勢,但不能單看一天兩天的數據,更不能只看十大成交股份,好多持續上升或大升的股份,從來都不會出現在十大成交中,而且北水起碼買入20天或更長時間,每天不都買一定數量股份,持股量也持續上升,十隻有九隻半都會有一定升幅,即使期間股價唔郁甚至下跌,買夠貨就會開車,例子太多如1193華潤燃氣,北水只持有不足3%的股份,經過3個幾月不停買貨,每日買少少,如今持股量已接近8%,股價升左幾成創哂新高.另一隻北水揸左2成幾的257,呢2個月北水増持左5%,股價也一路上升.重有隻152,平日成交唔多,最近20天,天天北水都在買,持股量也多左1%,若北水持續買多一個月,每日升少少,到時升幅會好可觀.類似實例實在太多,但一日得24小時,不值得用哂所有時間去全程炒股贏錢,有左達文西密碼,求其搵幾隻北水愛股執番多少已足夠,錢是賺唔哂的,此密碼暫時十分有效,但不代表長久都有效,故不宜唱通街,有緣人心領神會已很好.況且好多人包咬頸,沒必要教精他們.
回覆刪除謝謝大師的無私開悟分享🙏🙏🙏
回覆刪除