工中建農A股又創歷史新高
A股4大内銀天天創歷史新高已是家常便飯,今天再創歷史新高還有交通銀行,浦發銀行,中移動是浦發銀行的第二大股東,持有近20%股權,揸左超過20年,真係肥到衭都着唔落,前年中移動又獨力接哂郵儲行増發的股份,成為第二大股東,同時又大幅攤薄李首富的份額,當時中移動是以溢價買入郵儲行的,有無知的專家笑中移動傻,執行無利可圖的國家任務,中移動一點也不傻,傻的是所謂的專家.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
十分替今年買賣中特估的老友們開心，因在茶聚中見他們常常報捷，並頻有祝捷的高興飯局，上星期已有兩天在鲤魚門。
回覆刪除今早又收到今個星期的四,五,六的邀約，獲告之都是他們在941，939和883等的低位加注做做短T獲利的。
今個月太多高興，下月中秋前等有個話題自己去還還人情，大家開心開心。
回覆刪除此留言已被作者移除。
回覆刪除撈底大路中特估容易贏錢,若劍走偏鋒,一些二三線中特估受惠國策,跌得多反彈得重多,短短幾日升幅可達一成以上,如鄭煤機,第一拖拉機,若業績有驚喜,隨時升到你唔信.長揸内銀,逢跌加倉做T,今年已贏到笑不攏嘴
回覆刪除