短炒941極無聊但我做了
上周五見941跌到有點過份,本身已有重貨,全是40幾蚊買的,收左十零蚊股息,實在無必要在70蚊樓上再加貨,但上星期五短炒目標股份隻隻升,唔買野唔舒服,唯有買隻下跌的941,70個6買左1千股,今早71.7走左,用7皮野資金,賺得7舊幾水,其實都幾傻,幸好都係用左2日時間甘大把,今早又難忘舊愛,買番隻下跌的3320,5.58搶入,目標又係執4%又賣走她.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
前兩天見941低位都有去排隊買想找餐茶喝，但買不到。短跑做T不論賺多少只要+數就已經滿足了。
回覆刪除今早相當幸運,以5.58撈左3320華潤醫藥,雖然買貴左,不能在最低位買入,但現在已升了11格,已很滿意,短期要賺4至5%目標相信好快達到,在此股短炒連勝記錄就可加到16次,3320已轉勢做強勢股,你敢跌,我就買,最緊要有波幅俾我做T.上星期已發覺北水在密密低吸小米同中蕊,小米我一向唔鐘意,一來是民企,二來雷軍經常劃大餅吹得有點過份,明知會升都唔會買,中蕊就唔同,雖然從不派息,但中期業績太過吸引,17蚊樓下買好穩陣,升到20蚊北水就會食胡,我昨天都在16個幾入左些少短炒,賺2蚊就走.
回覆刪除國股及國情的分析和遠瞻能力之高，金戈大師是大師中的大師👍👍👍
刪除近期看位做做短T在中特估上一般都有收獲，賣樓朋友剛來電說前幾天短T939獲利。今晚請客，因他的相熟酒樓剛訊息他，今天有新到的大藍龍。
回覆刪除